لە وڵاتانی جیهان ژمارەی تووشبوون بە ڤایرۆسی کۆرۆنا گەیشتووەتە ٤ میلیۆن و ٣٦٨ هەزار کەس و هاوکات ٢٩٠ هەزار کەسیش گیانیان لەدەستداوە. ئەو زیندانیانەی لە تورکیا ئازاد کراون، دەڵێن، لە بەندیخانەکان هیچ رێوشوێنێک نەگیراوەتەبەر.
لە شاری وان کەرەنتینە
گوندی ئۆرتانجای شاری وان لە ٥ی ئایارەوە لە کەرەنتینەدایە. ژمارەی تووشبووان لە گوندە گەیشتە ١٠٣ کەس.
یلدز داڤران و بورهان ئەرۆل کە لە بەندیخانە ئازاد کراون، ئاماژە بە پشتگوێخستنی بەندیخانەکان دەدەن و دەڵێن، هیچ رێوشوێنێکی جدی لە بەندیخانەکان بۆ رووبەرووبوونەوەی ڤایرۆسی کرۆنا نەگیراوەتەبەر.
پشتیوانی لە ٨٠٠ خانەوادە کراوە
هەدەپە لە چوارچێوەی کەمپینی پشتیوانی لە خانەوادەکان، پەیوەندی بە ١٠ هەزار خانەوادەوە کرد و پشتیوانی لە ٨٠٠ خانەوادە کردوو و هاوکاریشی گەیاندووەتە دەستی ٤ هەزار خانەوادە.
ئاماری قوربانیان لە چەندی وڵاتێکی جیهان
ئەمریکا: میلیۆنێک و ٤٠٨ هەزار و ٧٤٥ تووشبوون و ٨٣ هەزار و ٤٤٩ گیانلەدەستدان.
ئیتاڵیار: ٢٢١ هەزار و ٢١٦ تووشبوون و ٣٠ هەزار و ٩١١ گیانلەدەستدان.
ئیسپانیا: ٢٧١ هەزار و ٩٥ تووشبوون و ٢٧ هەزار و ١٠٤ گیانلەدەستدان.
فەرەنسا: ١٧٨ هەزار و ٢٢٥ تووشبوون و ٢٦ هەزار و ٩٩١ گیانلەدەستدان.
ئەلمانیا: ١٧٣ هەزار و ٥٠٤ تووشبوون و ٧ هەزار و ٧٧٥ گیانلەدەستدان.
سویسرا: ٣٠ هەزار و ٤١٣ تووشبوون و هەزار و ٨٦٧ گیانلەدەستدان.
ئێران: ١١٢ هەزار و ٧٢٥ تووشبوون و ٦ هەزار و ٧٨٣ گیانلەدەستدان. هاوکات باس لەوە دەکرێت کە بەرپرسانی ئێران ژمارە راستەقینەکان دەشارنەوە.
ز.ش
