بە فەرمانی وەزارەتی ناوخۆی دەوڵەتی تورک سەما تەکین ئەندامی ئەنجومەنی شارەوانی ناوچەی مەلەزگرتی شاری موش لە پۆستەکەی دوور خرایەوە.

تەکین رایگەیاند کە لە بەڕێوەبەرایەتی ئاسایشی ناوچەکەوە بە تەلۆفۆن پەیوەندیان پێوە کردووە و پێیان وتیوە، وەزارەتی ناوخۆ بڕیاری دوورخستنەوەی داوە.

ئەنجومەنی شارەوانی ناوچەکە لە ٦ ئەندامی هەدەپە، ٤ ئەندامی ئاکەپە و ئەندامێکی جەهەپە پێک دیێت.

تەکین لەم بارەیەوە ناڕەزایەتی نیشاندا و وتی:" لە کاتێکدا کە لە هەوڵ و خەباتداین بۆ رووبەرووبوونەوەی ڤایرۆسی کۆرۆنا، بەڵام بڕیارێکی بەم شێوەیە دەدرێت و ئەمەش کارێکی ئاقلانە نیە. دەسەڵاتێک کە خۆی لە بەرامبەر سەرکەوتنی ژنان ناگرێت، هێرش دەکاتە سەرمان. ئەمە بە واتای ئەنجامدانی کودەتا دێت لە دژی ئیرادەی گەل."

ز.ش