پلاتفۆرمی ئێمە تاوانەکانی دژ بە ژنان رادەوەستێنین (کەجەدەپە / KCDP) رایگەیاند، لە مانگی حوزەیراندا ١٨ ژن لە تورکیا کوژراون و ٢٠ ژنی تریش بە شێوەی گوماناوی گیانیان لە دەستداوە.
پلاتفۆرمی ئێمە تاوانەکانی دژ بە ژنان رادەوەستێنین (کەجەدەپە / KCDP) راپۆرتی مانگی حوزەیرانی لەبارەی کوشتنی ژنان لە تورکیا بڵاوکردەوە.
لە راپۆرتەکەی کەجەدەپەدا هاتووە، لە مانگی حوزەیراندا ١٨ ژن لە تورکیا کوژراون و ٢٠ ژنی تریش بە شێوەی گوماناوی گیانیان لە دەستداوە.
لە راپۆرتەکەدا ئاماژە بەوەشکراوە، ١٨ ژن لە مانگی حوزەیراندا کوژران، کە ١٠ ژنی گەنجیان لەلایەن هاوژینەکانیان، ٢ ژنی تر لەلایەن خزمەکانیانەوە و ٢ ژنی تر لەلایەن کەسانی نەناسراو و ژنێکی تریش لەلایەن باوکییەوە و ژنێکی تریش لەلایەن هاوڕێکەیەوە و ژنێکی تریش لەلایەن هاوڕێ پێشووەکەیەوە و ژنێکی تریش لەلایەن پیاوەکەوە کوژراوە، کە لە یەکتر جیابوو بوونەوە.
ژ.ت
