بە دروشمی 'بە ژن ژیان ئازادی خاکمان بپارێزین، ڕێبەر ئاپۆ ئازاد بکەین' یەکەمین کۆنفرانسی یەکێتی ژنانی گەنجی شەنگال لە ئەنجومەنی گەلی خانەسۆری شەنگال، بە بەشداری ٧٠ نوێنەری گەنجانی عەرەب و ئێزدی لە کاتژمێر ١٠:٠٠ دا دەستیپێکرد. کۆنفرانسەکە بە خولەکێک ڕێزگرتن دەسیپێکرد و دواتر بۆ دیوانی وتەبێژی کۆمیتەی دیبلۆماسی تەڤگەری ئازادی ژنانی ئێزدی سوهام شەنگالی، وتەبێژی تەڤگەری ئازادی ژنانی ئێزدی ئاڤێستا ئەزدا و وتەبێژی تەڤگەری ئازادی گەنجانی ئێزدخان سارا بۆتان هەڵبژێردران.

لە کۆنفرانسەکەدا پەیامی ژنانی گەنجی باکوور و ڕۆژهەڵاتی سووریا، تەڤگەری ژنانی گەنجی مەخمور، یەژەشە دەخوێنرێنەوە، هەروەها سینەڤیزیۆنێک کە لە ڕوانگەکانی ڕێبەر ئاپۆوە کۆکراوەتەوە نیشان دەدرێت. هاوکات ڕاپۆرتی کار و خەباتی دوو ساڵی ژنانی گەنج دەخوێندرێتەوە.

لە کۆنفرانسەکەدا ڕیهام حەسەن قسەیکرد، دوای سڵاوکردن لە ڕێبەر ئاپۆ، هەموو شەهیدانی کوردستان و شەڕڤانان، باسی لە گرنگی کاتی کۆنفرانسەکە کرد و جەختی لەوەکردەوە ئەوەی لە شەڕی ئازادییدا پێشەنگایەتی دەکات گەنجان و ژنان.

کۆنفرانسەکە بەردەوامە...