ئەمڕۆ لە هۆڵی تەلاری هونەری شاری سلێمانی لە باشووری کوردستان، ڕێوڕەسمی بەخشینی خەڵاتی زێڕێنی بلە ئەنجامدرا کە لە ساڵی ٢٠٠٢ بەدواوە لە ٢٦ی نیسان، لە  ساڵڕۆژی مردنی کەسایەتی سیاسی و ڕۆشنبیری گەلی کورد مامۆستا ئیبراهیم ئەحمەد بەڕێوەدەچێت.

لە مەراسیمەکەدا کە ژمارەیەکی زۆر لە کەسایەتی سیاسی، نووسەر و رۆشنبیران ئامەدەبوون، تێیدا خەڵاتی زێڕینی بلە کە لەلایەن دەزگاری ئیبراهم ئەحمەد فاوەندەیشنەوە ئامادەکراوە، بەخشرایە ئەو کەسایەتییە کوردستانیانەی کە لەسەر ئاستی هەر چوارپارچەی کوردستاندا لە بواری جیاوازدا خزمەتییان بە دۆزی گەلی کورد کردووە.

لە ساڵی ڕابردوویی مەراسیمەکەدا خەڵات بەخشرایە؛ دایکی نموونەی، نووسەری نموونەی، کەسایەتی پارێزەری زمان، هەرەوەها کەسایەتی دادوەری.

وتەی مەزڵوم عەبدی فەرماندەی گشتی هێزەکانی سوریای دیموکراتک:

لە مەراسیمەکەدا مەزڵوم عەبدی بە پەیامێکی ڤیدۆی بەشدار بوو، لە پەیامەکەدا مەزڵوم عەبدی گوتی: "دوای لێبوردن دەکەم کە نەمتوانی بەشداری مەراسیمەکە بم. سوپاسی هەموو ئەوانە دەکەم کە من و شەهید شەڕڤان کۆبانێیی هێژایان خەڵات کردووە. شەڕڤان کۆبانێیش هاوشێوەی ئیبراهیم ئەحمەد بۆ ئازادی هەر  چوارپارچەی کوردستان تێکۆشانی کرد و شەهید بوو. لە تەمنێکی کەممدا شانسی بینینی ئیبراهیم ئەحمەدم هەبوو. لە کۆتایی ساڵانی نەوەدەکاندا هەندێک شتی لێوەفێربووم و  بۆ یەکێتی کوردان کارمان کرد. هەروەها لەمڕۆشدا کۆنفرانسی خۆمان لە ڕۆژئاوای کوردستان ئەنجام دا. لەوباوەڕەدام ئەم کۆنفرانسە ببێتە هۆکاری کۆنگرەی نەوەتەوەیی کورد."

خەڵاتەکەی مەزڵوم عەبدی لە لایەن سەرۆکی یەکێتی نیشتیمانی کوردستان بەخشرا و لە لەلاین ئەندامی دیوانی سەرۆکایەتی یەنەکە شاناز ئیبراهیم ئەحمەدەوە وەرگیرا.

خەڵاتکراوانی ئەمساڵی مەراسیمەکە:

مەراسیمی خەڵاتی زێرینی بلە کە ئەمرۆ لە بەڕێوەچوو خەڵاتی چەند کەسایەتییەکی نموونەی کرا.

خەڵاتی زێڕینی بلە بە خشرایە مەزڵووم عەبدی فەرماندەی هێزەکانی سووریا دیموکراتیک.

وەک سیمبوڵی شەهیدان خەڵات بەخشرایە شەهیدی فەرماندەی هێزەکانی دژە تیرۆری ڕۆژئاوا، شەهید شەڕڤان کۆبانێ (عەبدۆ ئەحمەد عەبدی). کە لە ١٥ی ئازاری ٢٠٢٣ شەهید بوو.

وەک سیمبوڵی پارێزەری زمانی کوردی و چالاک لە بواری فێرکردنی زمانی کوردی و مافی ژنان خەڵات بەخشرایە مامۆستای زمانی کوردی لە ڕۆژهەڵاتی کوردستان، زارا موحەمەدی کە لەسەر وتنەوەی وانەی زمانی کوردی ماوەی ١٠ ساڵ زیندانی بەسەردا سەپێندراوە لە لایەن ڕژێمی ئێرانەوە.

وەک سیمبوڵی تێکۆشان لە ڕێگەی وەرزش، هەروەها ڕووبەڕووبوونەوەی هێرشی ڕەگەزپەرستی، خەڵاتی یانەی وەرزشی 'ئامەد سبۆر' کرا، کە لە ساڵی ١٩٧٢ لە شاری ئامەدی باکووری کوردستان دامەزراوە.

وەک سیمبوڵی پارێزەری کولتوور و فۆلکلۆری کوردی، خەڵاتی نووسەر ساڵەح حسەین موحەمەد  ناسراوە بە ساڵەح حەیدۆ کرا، ناوبراو خاوەنی ٩٠ کتێبی چاپکراوە لە بواری فۆلکلۆری کوردییدا.

لە بەردەوامی مەراسیمەکەدا خەڵاتی چەندین کەسایەتی دیکە دەکرێت کە لە بواریی هونەری و کولتووریدا ڕەنجی مەزن و کاریگەرییان داوە.