پلاتفۆرمی 'رێگری لە کوژرانی ژنان دەکەین' (کەجەدەپە) راپۆرتی مانگی تشرینی دووەمی ئاشکرا کرد. بە گوێرەی راپۆرتەکە لە مانگی تشرینی دووەمدا ٢٤ ژن بە شێوەی گوماناوی گیانیان لەدەستداوە و ٣٣ ژنیش کوژراون.

بە گوێرەی ئامارەکە لە ١١ مانگی رابردوودا لەسەدا ٩ی ئەو ژنانەی کوژراون، پێشتر پۆلیس و لایەنە پەیوەندیدارەکانیان لە هەڕەشەکانی سەر ژیانیان ئاگادار کردبووەوە.

لەو ٣٣ ژنەی مانگی رابردوو کوژراون نۆ ژنیان لەبەر ئەوەی ویستبوویان جیاببنەوە، رێککەوتنیان رەتکردبووە، هاوسەرگیرییان رەتکردبووە، نەچووبوونە ژێرباری قەبوڵکردنی پەیوەندی، ٢ ژنیش بە پاساوی ئابوری، یەک ژنیش بە هۆی ئەوەی هەوڵی پاراستنی دایکی دابوو، لەگەڵ دایکی کوژرابوو. هۆکاری کوژرانی ٢١ ژنی دیکە نەزانراوە.

لەو ٣٣ ژنە ١٤یان لەلایەن هاوسەرەکانیانەوە، ٤ ژن لەلایەن هاوسەری پێشوویان، دوو لەلایەن ئەو پیاوانەی لەگەڵیاندا دەژیان، ٢ لەلایەن ئەو پیاوانەی پێشتر پێکەوەبوون، دووانیان لەگەڵ ئەو پیاوانەی لەپەیوەندیدابوون، یەکیان لەلایەن برای خۆیەوە، دوانیان لەلایەن کوڕەکانیانەوە. ژنێکیش نەزانراوە کە لەلایەن کێوە کوژراوە.

هـ . ب