(تەژەکە-ئە) لە چوارچێوەی هەڵمەتی "ئازادی بۆ ڕێبەری گەلی کورد عەبدوڵا ئۆجالان، چارەسەری بۆ پرسی کورد" کەمپەینێکی نوێی دەست پێ کرد.

بە کەمپەینی "هەزار ژن، یەک دەنگ" ئامانج ئەوەیە دەنگی ژنان لە چاند و گەلی جوداوە دژی سیستەمی قڕکردنی ئیمراڵی کۆببنەوە.

تەژەکە-ئە ڕایگەیاند پاش گەیشتن بە هەزار ژن کۆتایی بە کەمپەینەکە دەهێنن، ژنان لە دەڤەرە جیاوازەکانی جیهان، لە ڕۆژهەڵاتی ناوینەوە تا ئەفریقا و ئاسیا و ئەوروپا لە ئێستەوە بەشداری کەمپەینەکە بوون.

ژنان لە جوگرافیا و نەتەوە و گرووپی زمانی جیاوازەوە دەتوانن بە زمانی خۆیان ڤیدیۆی کورت بنێرن و بەشداری کەمپەینەکە بن.

تەژەکە-ئە ڕایدەگەیەنێت یەکگرتن لەگەڵ ڕێبەری گەلی کورد عەبدوڵا ئۆجالان دەکرێت لەڕێگەی "شیعر و هەڵپەڕکێ و وتە و گۆرانییەوە" بێت.    

ژنان لە وڵاتە جیاوازەکانەوە پەیامی خۆیان بۆ کەمپەینەکە دەنێرن و داوای ئازادی ڕێبەری گەلی کورد عەبدوڵا ئۆجالان دەکەن.