٧٢ ڕۆژە گەمارۆکانی حکومەتی ئیدارەی هەرێمی کوردستان بۆ سەر کامپی شەهید ڕۆستەم جودی لە مەخموور بەردەوامە.

رۆژانە ڕێگری لەو نەخۆشانە دەکرێت کە پێویستیان بە چوونە هەولێرە.

دەرمانی نەخۆشخانەکان کەم بوەوە و سەدان کرێکاریش ناتوانن بچنە سەر کارەکانیان.

بۆ لابردنی گەمارۆ، دایکانی ئاشتی کامپی پەنابەرانی شەهید ڕۆستەم جودی وێڕای هەلومەرجی سەخت، ٢٧ ڕۆژە لە بازگەی ئاسایشی پارتی دیموکراتی کوردستان-ی نێوان مەخمور و هەولێر لە چالاکی دان.

دایکانی ئاشتی مەخموور شەو و ڕۆژی خۆیان لەوێ بەسەر دەبەن. ئاسایشی پەدەکە ڕێگە نادات خواردن و خواردنەوەش بۆ دایکان بچێت و تیمی تەندروستی سەردانی دایکان بکات.

شایانی باسە، لە هەفتەی یەکەمدا، یەکێک لە دایکان نەخۆش کەوت و ڕەوانەی نەخۆشخانە کرا. ئێستاش ئەو دایکانەی لەوێن پێویستیان بە دکتۆر هەیە، بەڵام ئاسایش ڕێگە نادات هیچ کەسێک سەردانیان بکات.

ک-ش