لە شاری ئارنەیمی هۆڵندا لەبارەى کەمپەینی "توندوتیژی دژ بە ژنان سیاسەتە" سیمینارێک رێکخرا. ئەو کەمپەینە لەلایەن بزووتنەوەى ژنانى کورد لە ئەروپا (تەژەکە ئەوروپا - TJK-E) رێکخراوە.
سیمینارەکە لەلایەن ئەنجوومەنى ژنانی فاتۆش ساگلامگۆز-ەوە رێکخرا و سینەفیزیۆنى تیادا نمایش کرا.
فیدان دژوار چالاکوانى تەژەکە ئەوروپا لە سیمینارەکەدا وتەیەکی پێشکەشکرد و رایگەیاند، فاشیزم لە هەموو شوێن و گۆڕەپانێکدا بە تایبەت لە گۆڕەپانى سیاسەتدا ژنان دەکاتە ئامانج.
لە سیمینارەکەدا گفتوگۆ لەبارەی شێوازەکانى تێکۆشان بۆ بەرەنگاربوونەوەى توندوتیژی لە دژی ژنان و کەمپەینەکەى تەژەکە ئەوروپا و رێنوێنییەکانى ژنۆلۆژی کرا.
لە کۆتایى سیمینارەکەدا دروشمی "ژن، ژیان، ئازادی" وترایەوە.
ر.م
