بە سەدان پارێزەر خانەوادەی شەنیاشار دەپارێزن
ئەمڕۆ بە سەدان کەس تەڤلی چالاکی خانەوادەی شەنیاشار دەبن کە ٢٠٠ رۆژە دەستیان بە 'ئیشکگری دادپەروەری' کردووە.
ئەمڕۆ بە سەدان کەس تەڤلی چالاکی خانەوادەی شەنیاشار دەبن کە ٢٠٠ رۆژە دەستیان بە 'ئیشکگری دادپەروەری' کردووە.
چالاکی 'ئیشکگری دادپەروەری'-ی خانەوادەی شەنیاشار کە ٩ ئازار لە بەردەم دادگای روحا دەستیپێکرد ٢٠٠ رۆژی تێپەڕاند. دایە ئەمینە شەنیاشار و کوڕەکەی فەرید شەنیاشار لەسەر ناوی 'بۆ هەموو کەسێک دادپەروەری' دەستیان بە چالاکیەکەیان کرد.
خانەوادەی شەنیاشار لەسەر تۆڕە کۆمەڵایەتیەکان رایگەیاند، ئێمە لە ٢٠٠مین رۆژی چالاکیەکەداین و وتی، "لە دادگای روحا ٢٠٠ رۆژە ئێمە لە چالاکیەکەمان بەردەوامین. بۆ ئەوەی یاسا سەروەر ببێت، لەگەڵ ٢٠٠ پارێزەر لەبەردەم دادگا کۆدەبینەوە. هیوادارین پارێزەران بەرپرسان رازی بکەن و دەست بە قۆناغی یاسایی بکەین."
پێشبینیدەکرێت، لەسەر بانگەوازی لقی روحای یاساناسانی ئازادی، بە سەدان پارێزەر بەشداری لە ئیشکگری دادپەروەری خانەوادەی شەنیاشار بکەن و کاتژمێر ١٤:٠٠ کۆنفڕانسی رۆژنامەنووسی ئەنجام بدەن.
ف.ق