بەگوێرەی ئەنجامە نافەرمییەکان پارتی یەکسانی و دیموکراسیی گەلان (دەم پارتی) لە ناوچەی جورنەڕەشی ڕحا لە هەڵبژارنی خۆجێی دووبارەبووەوەدا، سەرکەوت. هاوسەرۆکانی شارەوانی دەم پارتی جورنەڕەش سەرحان پایداش و غەریب یەشیل ١٠ هەزار و ٧٣٠ دەنگیان بەدەستهێنا. کاندیدی ئاکەپەش ٧ هەزار و ٤٢٠ دەنگی بەدەسهێنا. دەم پارتی بەهۆی پرسەی ئەو ٢ کرێکارەی گیانیان لەدەستدا ئاهەنگی نەگێڕا. هەزاران کەس لەبەردەم بینای دەم پارتی کۆبوونەوە و ڕاگەیاندراو خوێنرایەوە. پەرلەمانتارانی دەم پارتی و هاوسەرۆکانی شارەوانی جورنەڕەش لەسەر پاسەوە سڵاویان لە گەل کرد.