گێچەڵی دوێنیی ئەفسەرێکی تورک لە شەرناخ، بە ڕێپێوانێک شەرمەزارکرا. چەندین لایەن و ڕێکخراو و کەسێتی بەشداری ڕێپێوانەکە بوون. لە ڕێپێوانەکەدا پانکارتی "بڵێ بەسە بۆ چەوسانەوە و گێچەڵ" و درووشمی "بێدەنگ مەبن، نۆرەی ئێوەش دێت" بەرزکرایەوە.

ئەندامی کۆنفیدراسیۆنی سەندیکای کرێکارانی جەماوەری (کەسک) موراد ئۆزبەی ڕایگەیاند هاوڵاتیان ژنەکەیان ڕزگار کردووە، بەگوێرەی زانیارییەکان تاوانبار بریندار بووە، گوتی: "ئەم ڕووداوە، بەرئەنجامی سیاسەتی سزانەدانە، پێشتر بینیومانە کاتێک تاوانبار بەرپرس و هێزی ئەمنی بن، لێپرسینەوەیەکی کاریگەر و دادپەروەر ناکرێت... ئەم جۆرە سیاسەتەش بۆتە چەکێک دژی دژی مافی ژنان و مناڵان".

ئۆزبەی ڕایگەیاند پارێزگار ویستویەتی لەڕێگەی ڕاگەیاندراوەکەیەوە تاوانبار بپارێزێت، گوتی: "پارێزگار لەبری باسکردن لە لێپرسینەوەی دادپەروەری و ئیداری بەرامبەر تاوانبار، گوتی ئەو ٤ کەسەی دەستوەردانیان کردووە دەستبەسەرکراون، بەم ڕاگەیاندراوە تاوانباری پاراست و ڕاگەیاندراوێکی لایەنگرانەی داوە. ئەمەش گومان زیاد دەکات سەبارەت بەوەی لێپرسینەوەیەکی کاریگەر دەست پێ نەکرێت و تاوانبار سزا نەدرێت. بێگومان بەوردی بەدواداچوون ڕووداوەکە دەکەین".

پەرلەمانتاری دەم پارتی نەورۆز ئویساڵ ئاسڵان ڕایگەیاند تاوانبار لەلایەن پۆلیسەوە ڕفێنراوە و پارێزراوە، هێزە ئەمنییەکان بەنیازن مادەی هۆشبەر و سیخوڕێتی لەنێو گەلدا بڵاوبکەنەوە، چەندین ڕووداوی هاوشێوە ڕوویانداوە، گوتی: "دوێنێ هەمان شت لە شەقامەکانمان ڕوویدا، هەردەم گەلی شەرناخ دژی ئەم ڕووداوانە ناڕەزایەتی خۆی پیشان دەدات. تاوانبار پاش ڕووداوەکە وەک بریندار نیشاندراوە، دەمودەست براوەتە نەخۆشخانە و لەوێوە ڕفێنراوە".

ڕاگەیاندراوەکە بە درووشمی "ژن، ژیان، ئازادی" و "بێدەنگ مەبن، نۆرەی ئێوەش دێت" کۆتایی هات.