چالاکی ئێشکگری ئازادی بۆ ڕێبەر ئاپۆ لە ٢٥ی حوزەیرانی ٢٠١٢ەوە لە پێش ئەنجوومەنی ئەورووپا لە ستراسبۆرگی فەرەنسا دەستیپێکردووە و تا ئێستا بەردەوامە. چالاکییەکە گەیشتە هەفتەیی ٦٦٦، نۆرە وەرگرتنی ئەم هەفتەیە لە لایەن گرووپی مارسیلیاوە بەڕێوەدەبرێت کە بریتین لە کۆمەڵێک هونەرمەند؛ سەیدۆ گمگیم، سەفا تاهتاچی و فرات جۆشان.

لەسەر ناوی گرووپەکە سەیدۆ گمگیم قسەیکرد و نەورۆزی لە ڕێبەر ئاپۆ و شەهیدان پیرۆز کرد و ئاماژەی بەوەدا تا مسۆگەرکردنی ئازادی جەستەیی ڕێبەر ئاپۆ لە چالاکییەکان بەردەوام دەبن. گمگیم سەرنجی خستەسەر ئەو پرۆسەیەیی کە ڕێبەر ئاپۆ دەستی پێکردووە و گوتی:"ئەم پرۆسەیە پرۆسەی پێکهێنانی ئازادی جەستەیی ڕێبەر ئاپۆیە. بۆیە پێویستە وەک گەلی کورد زۆر بە باشی خوێندنەوەی بۆ بکەین و لێی تێبگەین."