ئەوانەی ژیانی خۆیان بە دۆزی کوردستان بەخشی، شوێنپێی ئێوەیان هەڵگرت.. ئەوانە لەسەر رێچکەی ئیرادەی گەورەوە بوون. ئەنجامەکە هاوشێوە بوو. نزیکبوونەوەی دڵی تۆڵەسەندنەوە نەدەتوانرا جیاواز بێت. تەرمەکان ڕاکێشران، تەرمەکان پارچەکران، بەڵام ئەو مێشکەی ئەو جەستەیەی لە خزمەتی هەڤاڵ و هاوەڵەکانیدا بەکارهێناوە، بەو میراتەی کە بە ئێمەیان بەخشیبوو، دەمێننەوە.

دوران کاڵکان، ئەندامی کۆمیتەی بەڕێوەبەری پەکەکە، باسی لە بەرخۆدانی چەند ساڵەی گەریلا عەلی فورات کرد. کاڵکان وتی، کە گەریلای هەپەگە عەلی فورات لە منداڵییەوە نیشتیمانپەروەریی عەفرینی بەخشیوەتە گیان و هۆش و هەستەکانی. وتی:" کەسێکی بەڕێز و بەنرخ و پەروەردەکراو بوو، وەک هەموو گەنجێکی عەفرین بە ئاگری بەرخۆدانی گەریلا گەورە بوو. لەسەر مێژووی تێکۆشانی ئازادی کوردستاندا پەروەردە کرابوو. لە گەنجێتیدا بەشداری کرد و ماوەیەک لە هەرێمەکەی کاری کرد و دواتر هاتە چیا ئازادەەکانی کوردستان"

شۆڕشگێڕێکی دیسپلیندار و بەڕێز بوو

دوران کاڵکان بەو قسانە، داوای بەرخۆدانی گەریلای هەپەگە عەلی فوراتی خستەڕوو و وتی:"لە سەختترین ناوچەدا لە چیاکان کاری کردووە. لە زاگرۆس لە چەندین ناوچەی چیاکانی ئازادی کوردستان کاری کردووە. لە ئاستە جیاوازەکاندا شەڕی کرد، خۆی بۆ جدیترین ئەرکەکان پێشنیاز کرد، هیچ کات لەگەڵ هاوڕێ عەلیدا شتێکی نەرێنی نەبوو، لە هیچ شتێک پاشەکشێی نەکرد. ئەو شۆڕشگێڕێکی بە پێوانە بوو، بەڕێز و خۆشەویست و بە دیسیپلین بوو. لە دەرەوەوە زۆر نەرم و نیان دەبینرا، بەڵام لە کرداردا کەسێکی بەرهەڵستکار بوو، بە ئیرادەیەکی گەورەوە کاری دەکرد.

لە زۆر بواردا ئەرکی گرنگی جێبەجێ کرد، چونکە پەیوەندی لەگەڵ خەڵکدا لە ناو کۆمەڵگەدا باش بوو، بە گەرمی پەیوەندی بە خەڵکەوە کرد. لە گەڤەڕ، لە دەوروبەری گەڤڕ و لەلایەن ئیدارەی پارتەکەمانەوە، بۆ پەیوەندی کردن لەگەڵ خەڵکدا دەستنیشان کرا. لە گەڤڕ و بازرگان بە درێژایی ئەو هێڵە ئەرکە زۆر گرنگەکانی جێبەجێ کرد. لە لایەکەوە بە پێی دەرفەتەکانی خۆی خەڵک و لاوانی گەڤەڕی پەروەردە دەکرد. هەموو کەس دەیناسی، خۆش دەویست، ڕاستگۆ، تێگەیشوو، بوێر، فیداکار و کرێکار بوو لە ناو خەڵکدا.

٢٤ کاتژمێر کاری کردووە، لەسەر بنەمای کاری گەریلا بۆ پەرەپێدان و هاوبەشیکردنی تێکۆشانی ئازادی لە بەرخۆدانی خەڵکی گەڤەڕدا کاری زۆری هەبوو. لە پەروەردەکردنی گەل و لاوانی گەڤەڕدا رۆڵێکی گەورەی بینی. ئەو کوڕی عەفرین بوو، شەڕڤانێکی قارەمان، فەرماندە، شۆڕشگێڕ و پەروەردەکاری گەڤەڕ بوو.  ڕووناکییەکی هوشیاریی بوو بۆ مرۆڤ"

بە فێڵ و نامەردی شەهیدیان کرد

دوران کاڵکان ڕایگەیاند، کە بەرخۆدانی بێوێنەی شەهید عەلی فورات دوژمنی نیگەران کرد و بەم شێوەیە بەردەوامی بە قسەکانیدا:"بەهۆی ئەو دۆخەوە دوژمن ئەوی بە مەترسی زانی، پیلانگێڕیی لە دژی کرد و هەڤاڵ عەلی بە فێڵ و نامەردی شەهید کرد. پیلانگێڕێەکی قێزەونیان ئەنجامدا کە هەڤاڵ عەلی نەیتوانی لە پیلانگێڕییەکە تێبگات. پێش ئەوە چەندین پیلانگێڕیی پووچەڵ کردبووە، بەڵام بۆ دوایین جار کەوتە تەڵەیەک و تێکەڵ بە کاروانی شەهیدان بوو. ئێمە لەو باوەڕەداین کە هەردوو گەلی عەفرین و گەلی گەڤەڕ بە ڕێزەوە یادی هەڤاڵ عەلی دەکەنەوە و گەنجانی عەفرین و گەڤەڕ خاوەنداری لە بیرەوەریەکانی هەڤاڵ عەلی دەکەن.

سەرەتا گەنجان و خەڵکی عەفرین و گەڤەڕ، داوا لە هەموو کەسێک دەکەین کە بە دروستی لەم شۆڕشگێڕە تێبگەن، لەسەر ڕێبازەکەی بڕۆن و بەرخۆدان بکەن بۆ بەرخۆدانی و سەرکەوتنی ئازادی لە باکوری کوردستان، هەڤاڵ عەلی هەمیشە لە بەرخۆدانی و ئازادی و ڕزگاری عەفریندا بەبیردێتەوە و هەمیشە پێشەنگایەتیی ئەو بەرخۆدانە مەزنە دەکات"

ف.ق