هەپەگە یادی شەهیدانی جوودی کردەوە
هەپەگە ڕایگەیاند گەریلای یەژاستار ڕووکەن جوودی و گەریلاکانی هەپەگە ئیحسان نووری ئاگری و چیا هاروون لە ١٨ی تشرینی یەکەمدا لە چیای جوودی لە ئەنجامی ئۆپەڕاسیۆنی سوپای داگیرکەری تورک شەهید بوون و یادی شەهیدانی کردەوە.
ناوەندی ڕاگەیاندن و چاپەمەنی هەپەگە لەمبارەیەوە ڕاگەیەنراوێکی بڵاوکردەوە.
لە ڕاگەیەنراوەکەدا هاتووە،"لە ١٧ و ١٨ی تشرینی یەکەمدا سوپای داگیرکەری تورک لە ناوچەی دفنێی چیای جوودی شڕنەخ دەستی بە ئۆپەراسیۆنی داگیرکەری کرد و لەنێوان سوپای داگیرکەری تورک و هێزەکانماندا شەڕێکی قوڕس ڕوویدا. لە ئۆپەراسیۆنە داگیرکەریەکە کە دوو ڕۆژ بەردەوام بوو، هاوڕێکانمان ڕووکەن، ئیحسان و چیا کە بە قاڕەمانی شەڕیان کرد و گورزی گەورەیان لە دوژمن دا شەهید بوون.
هەپەگە ناسنامەی هەر سێ شەهیدەکەی ئاشکرا کرد کە بەم شێوەیەیە:
نازناو: ڕووکەن جوودی
ناو و پاشناو: ئەمینە باشاک
شوێنی لەدایکبوون: شرنەخ
ناوی دایک و باوک: فاتیمە و حاجی
شوێن و کاتی شەهادەت: ١٨ی تشرینی یەکەمی ٢٠٢٠ / جوودی
نازناو: ئیحسان نووری ئاگری
ناو و پاشناو: محەمەد نووری هووسیدوور
شوێنی لەدایکبوون: ئاگری
ناوی دایک و باوک: بیرسەن - رەمزی
شوێن و کاتی شەهادەت: ١٨ی تشرینی یەکەمی ٢٠٢٠ / جوودی
نازناو: چیا هاروون
ناو و پاشناو: سادق یورەک
شوێنی لەدایکبوون: سێرت
ناوی دایک و باوک:
شوێن و کاتی شەهادەت: ١٨ی تشرینی یەکەمی ٢٠٢٠ / جوودی
هەپەگە لەگەڵ ئەوەی باسی لە تێکۆشان و خەباتی هەرسێ خەباتەکە کرد هەروەها ڕایگەیاند، هارێکانیان بە هەڵوێست و تێکۆشان و شەهادەتیان لە جوودی داستانی قاڕەمانیان تۆمار کرد.
هەروەها سەرەخۆشی ئاڕاستەی خانەوادەی شەهیدان و هەموو گەلی کوردی وڵاتپارێز کرد و بەڵێکی دووبارە کردەوە کە میراسی شەهیدان سەردەکەوێت."
ف.ق
