زیاتر لە ١٠٠ جاش و جەردەوان لە باکوری ناوچەى بەستای شرنەخ و لە ناوچەی ئاڤا گوێزێ لە شاری زاخۆی باشووری کوردستان دەستیانکردووە بە بڕینی داری دارستانەکان و کاولکردنی ناوچەکە.

جاش و جەردەوانەکان لە شارۆچکەى شەنۆبای قلابانەوە هاتوون بۆ کاولکردن و بڕینەوەى دارەکان و ٣٠ لە جاش و جەردەوانەکان لە دەرەوەی سنوور و ئەوانی تریشیان لە ناوچەى بەستا لە سنووری باکووری کوردستان دەستیان بە بڕینەوەى دارەکان کردووە.

دارە بڕاوەکانیان بردووە بۆ ناوچەى سەربازی

جاش و جەردەوانەکان لە گوندی نێروەی سەر بە قلابان ٥ کیلۆمەتر بەرەو زاخۆ لە باشووری کوردستان  پێشڕەوییان کردووە و ماوەی ٤ رۆژە لە ناوچەى ئاڤا گوێزێ خەریکی بڕینەوەى دارەکانن.

جاش و جەردەوانەکان دارە بڕاوەکان بە تراکتۆر دەگوێزنەوە بۆ ناوچە سەربازییەکان.

ژ.ت