دانیشتوانی شەنگال لە چوارچێوەی چالاکییەکانیان لە دژی ریککەوتنی نێوان بەغدا و هەولێر لەسەر شەنگال و بە ئامانجی پشتیوانیکردن لە ئاسایشی ئێزدخان، لە بەردەم بارەگای ناوەندی ئاسایشی شەنگال چادریان هەڵداوە.

چالاکییەکە بە دروشمی "ئێمە هەموومان ئاسایشین" دەستیپێکردووە و ١٢هەمین رۆژی چالاکییەکە لایەن دەستەیەک لە ئێشکگرانی خانەسۆرەوە بەردەوامیی هەیە.

 چاوەڕێ دەکرێت شاندێک لە وەزارەتی ناوخۆی عێراق و بەرپرسانی حکومەت سەردانی چالاکوانان بکەن.

خەڵکی شەنگال دەستە دەستە سەردانی چادری چالاکوانە ئێشکگرەکان دەکەن و پشتیوانیی خۆیان بۆ چالاکییەکان دووبارە دەکەنەوە.

تاوەکو ئێستا خەڵکی شەنگال بە ئەنجامدانی چەندین چالاکی داوای خۆیان بۆ خۆبەڕێوەبەریی شەنگال و قبوڵکردنی ئیرادەی ئێزدیان پێشکەشی حکومەتی عێراق کردووە، بەڵام تاوەکو ئێستا بەرپرسان و حکومەتی عێراق وەڵامێکی پۆزەتیڤیان بەو داوایانە نەداوەتەوە.

ژ.ت