رێخکراوی مافەکانی مرۆڤی رۆژهەڵاتی کوردستان رایگەیاند، دوێنێ هێزەکانی ئیتلاعاتی ئێران لە شاری مەهابادی سەر بە پارێزگای ورمێ زیاتر لە ١٠ هاوڵاتیان دەستگیر کردووە.

ناوی هەشت کەس لە دەستگیرکراوەکان بەم شێوەیەیە: ئاکام سەرکانی، محەمەد سیاقۆل، شۆڕەش کورانی، نختار نەبی، رەحمان دانزی، محەمەد یالاچاکی، جەلال گامیشانی و فەرهاد رەحیم مەلا.

ئەم شەپۆلەی دەستگیرکردنە وەک شەپۆلێکی فراوانی دەستگیرکردن لەقەڵەمدەدرێت و دەگۆترێت، بێ فەرمانی دادگا و بێ هیچ بیانویەک هاوڵاتیانی کورد دەستگیر دەکرێن و بۆ شوێنێکی نادیار براون.

رێکخراوی مافەکانی مرۆڤی رۆژهەڵاتی کوردستان ئاماژەی بەوەش کردووە کە هیچ زانیاریەک لەبارەی دەستگیرکراوەکان بەدەستنەهێنراوە و چارەنوسیان نادیارە.

ف.ق