ناوەندی پاراستنی گەل: گەریلاکانی ئازادیی کوردستان لە سەردەمی داهاتووشدا پیشانی، دۆست و دوژمنی دەدەن کە چۆن هێزێکی سەرکەوتنن. لەم بارەیەوە ٣٨مین ساڵیادی ١٥ی تەباخ دەبێتە ساڵی پێشکەوتنی گەورە.
ناوەندی پاراستنی گەل لە ساڵیادی ١٥ی تەباخدا راگەیەنراوێکی بڵاوکردەوە.
ناوەندی پاراستنی گەل وتی، " ئێمە ٣٧مین ساڵیادی هەنگاوی ١٥ی تەباخی بەناوبانگ، جەژنی ژیانەوەی گەلەکەمان، لە بنەڕەتدا لە ڕێبەر ئاپۆ پیرۆز دەکەین، کە لە پێشکەوتنی ئەم بەرخۆدانەدا خاوەن رەنجێکی گەورەیە. هەروەها پیرۆزبایی لە گەلەکەمان، لە خانەوادەی شەهیدان، لە هەڤاڵانمان، مرۆڤایەتیی پێشکەوتنخواز و هەموو هەڤاڵان لە هەموو ناوچەکانی تێکۆشاندا پیرۆز دەکەین و لە ٣٨مین ساڵیادی تێکۆشاندا، هیوای سەرکەوتنی گەورەیان بۆ دەخوازین.
لە راگەیەنراوەکەدا هاتووە، "١٥ی تەباخ هەنگاوێکی مێژووییە. بێگومان هەموو سەرکەوتن و پێشکەوتنێک بە خوێنی شەهیدان بەدیهاتووە کە تاوەکو ئەمڕۆ هاتوون. بۆیە لە کەسایەتی فەرماندەی هێڵی شۆڕشگێڕیی -سەربازیی ڕاست کە لە کوردستان سەرکەوت، عەگید (مەحسوم کۆرکماز) سەری ڕێز و نەوازش بۆ هەموو شەهیدەکانمان دادەنەوێنین و جارێکی دیکە بەڵێن بە شەهیدان دەدەین. هیوادارین بە ڕۆحێکی بەهێزەوە لەسەر ڕێبازی شەهیدە قارەمانەکانمان بەردەوامی بە خەبات بدرێت و بە ڕێکخستن، ئامانجی ڕێبەرایەتیی ئازاد و کوردستانی ئازاد بەدیبهێنین.
١٥ی تەباخ دەستپێکی جەنگە بۆ پاراستنی هەبوونی گەلەکەمان و بۆ ئازادیی گەلەکەمان، لە دژی سیاسەتەکانی پاکتاوی کەلتووری و فیزیکی کە هێزە داگیرکەرەکان سەپاندوویانە، بە تایبەت لە چوارچێوەی پلانی شارک ئیسلاح و کودەتای ١٢ی ئەیلول، یەکەم گولە لە لایەن گرووپێکی بچووک و باوەڕدارەوە لە ئابی ١٩٨٤ تەقێنرا و لایەن گەلەکەمانەوە بووە هۆی پێشکەوتنی گەورە. ١٥ی تەباخ تەنیا کردەوەیەکی سەربازی نییە ، بەڵکو هەنگاوێکی پاراستنی ڕەوای نەتەوەییە . ١٥ی تەباخ دەستێوەردانێکی مێژووییە، وەک ئەوەی کۆمەڵگەیەک لە سەر ونبوون بوو. ئەم هەنگاوە لە لایەنی نەتەوەیی و فیکری و سیاسی و کۆمەڵایەتی و فەرهەنگی بە ئەندازەی لایەنی سەربازی گرنگە ، لە پێش هەموو شتێکەوە دژی زنجیری کۆیلایەتی، لە هزری کورددا و دژی تەسلیم بوونە . ئەم سەرهەڵدانە هاوشێوەیەی گەلی کورد بە پێداگری و باوەڕ و ڕۆحی گەورەوە دەستی پێکردووە، رێگری لە لەناوچوون کردووە، ئەم سەرهەڵدانە شۆڕشی فکری، شۆڕشی کۆمەڵایەتی، شۆڕشی ژنی ئازاد و دیموکراسی لەناو کۆمەڵگای کوردیدا لەگەڵ خۆی هێناوە.
پێش هەموو شتێک ڕژێمی ئاکەپە – مەهەپە کە دەیەوێت بە خەون و خەیاڵی عوسمانییەوە ببێتە هێزێکی هەژموونخوازی هەرێمی، کۆتایی خۆی لە ئەنجامی ئەو پەرەسەندنە شۆڕشگێڕانەیەدا دەبینن کە لە ١٥ی تەباخدا ڕوویدا، ئەم ڕۆژانەش کە ئێمە پێیدا دەڕۆین، هێرشی قۆڕس دەکەنە سەر گەلەکەمان. ئەم هێزانە کە بە گوشارێکی زۆر لەسەر خەڵک و کرێکاران دەیانەوێت بەردەوامی بە هەبوونیان بدەن، بەو چەمکەی کە لەسەری ڕێککەوتوون، لە لاکەیەوە فشار لەسەر گەلەکەمان دروست دەکەن و لە لایەکەی دیکەش دەیانەوێت بە فشار و دەستگیرکردن هەموو داینەماکانی گەلەکەمان چاوترساندن بکەن. سەرەڕای ئەوەش، هاوتەریب لەگەڵ ئەمانەدا، شەڕی گشتی لەناوبردن لەسەر گەریلاکانی ئازادیی کوردستان بەردەوامە، بەم شێوەیە دەیانەوێت هەموو ئەو پێشکەوتنانەی لە ١٥ی تەباخدا دروست بوون، لەناوبچێت و سیاسەتی کۆمەڵکوژی لە کوردستان بچەسپێنن. بە پشتیوانی پێشکەوتووترین تەکنەلۆژیای سەردەم، لەگەڵ هێزە هەواڵگری و سەربازیەکان، سوود لە نۆکەرانی کورد وەردەگرن، بەم هێرشانە دەیانەوێت گەریلاکانی ئازادی سەرکوت بکەن و کۆمەڵکوژی گەلەکەمانیان کردووە بە ئامانجی سەرەکی. ئەم ڕژێمە فاشیستە بە پشتیوانی هێزە هەژموونخوازەکانی مۆدێرنیتەی سەرمایەداری دەیەوێت چەمکی هێرشی هەمەلایەنە فراوانتر بکات، بۆیە تەنیا بە باکووری کوردستانەوە سنووردار نییە، شەپۆلی هێرشەکان لە دژی هەموو بەشەکانی کوردستان زیاتر دەکات.
بەڵام لەبەرانبەر هەموو ئەو هێرشانەدا گەریلاکانی ئازادیی کوردستان بۆ ئەوەی هیوای گەلەکەمان نەشکتر، بەرخۆدانێکی گەورە دەکەن. دوای شکستی هێرشی ١٠ی شوبات بۆ سەر گارێ، پاشان لە دژی هێرشەکانی سەر ئاڤاشین، زاپ و مەتینا لە ٢٣ی نیساندا بەرخۆدانییەکی مێژوویی ئازایانە بەڕێوەدەبرێت. لە ١١٠مین ڕۆژدا سوپای تورکیای فاشیست کە هەموو جۆرە شێوازەکانی شەڕی پیادە کردووە، لە هەموو هەوڵەکانیدا بۆ داگیرکردن سەرکەوتوو نەبوو و لەو ناوچانەدا نەیاتوانیوە ببێتە سەروەر، لە کەسایەتی ئەندازیاری سەرکەوتنی گارێ هەڤاڵ شۆڕش بەیتوششەباب، هەموو شەهیدە قارەمانەکانمان کە زەبرێکی قورسیان لە خەونە عوسمانییە نوێکان داوە بەبیردەهێنینەوە و سڵاو لەو هەڤاڵانەمان دەکەین کە لە سیانێ، مامرەشۆ، ئاریس فارس، جیلۆی بچووک، وەرخاڵێ و لە زۆر ناوچەدا داستانی قاڕەمانی دەنوسنەوە.
گەریلاکانی ئازادیی کوردستان پێشوازی لە ٣٨مین ساڵی ١٥ی تەباخ دەکەن. لەسەر بنەمای پارادایمی کۆمەڵگای دیموکراتیکی ئیکۆلۆژی ڕێبەر ئاپۆ، لەسەر ئایدۆلۆژیای ئازادی ژن، گەریلاکانی هەپەگە کە بە پێی سەردەمی نوێ خۆیان بنیاتناوەتەوە، دەتوانن لەبەرانبەر پێشکەوتووترین تەکنەلۆژیا و هەموو جۆرە هێرشێک بوەستنەوە.
لە دژی هێرشە هەرە دڕندانەکانی مۆدێرنیتەی کاپیتالیستی و هاوپەیمانەکانی ناوخۆی، گەریلاکانی هەپەگە کە لە شێوەی گەریلاکانی مۆدێرنیتەی دیموکراتیکدا خۆیان رێکخستوە، لە ئاستی ئایدیۆلۆژی - سیاسی و ئەزموونی تاکتیکی دا، ئەو هێزەیان هەیە کە حساب بۆ هەموو هێرشێک بۆ سەر گەلەکەمان و بەهاکانیان بکەن.
ئەم بەرخۆدانەی کە ئەمڕۆ لە ئاڤاشین، زاپ و مەتینا بەردەوامە، سەلمێنەری ئەوەشە، گەریلاکانی ئازادیی کوردستان تێکناچن کە دەیان جار ئەوەیان سەلماندوە، لە سەردەمی نوێی تێکۆشاندا بۆ دۆست و دوژمنی پیشان دەدەنەوە کە هێزێکی سەرفرازیە. بۆیەش لەمرۆوەوە ٣٨مین ساڵیادی ١٥ی تەباخ دەبێتە ساڵی سەرکەوتنی گەورە.
بەم هیوا و باوەڕەوە جارێکی دیکە جەژنی ژیانەوەی ١٥ی تەباخ پیرۆز دەکەین و سەرکەوتن بۆ هەموو هێزە تێکۆشەرەکان دەخوازین"
ف.ق
