بە گوێرەی هەواڵێکی تۆری مافەکانی مرۆڤی کوردستان رۆژی یەکشەممەی رابردوو مستەفا حەمدی لە هۆڵی ئاهەنگەکانی میلاد لە شاری سەقز بە بێ نیشاندانی فەرمانی گرتن لەلایەن هێزە ئەمنییەکانەوە دەستبەسەرکراوە.

تائێستا هۆکار و هەروەها شوێنی دەستبەسەرکردنی ئەو رۆژنامەوانە نەزانراوە.

مستەفا حەمدی پێشتر و تەمووزی ٢٠٢١دا لەلایەن دادگای شۆڕشی کۆماری ئیسلامی لە سەق بە تۆمەتی "بانگەشە دژی دەوڵەت" و "سوکایەتی بە دامەزرێنەر و رابەری کۆماری ئیسلامی" بە گشتی سزای دوو ساڵ زیندانی بەسەردا سەپێندرابوو.

ئەو میدیاکارە کوردە پێشتریش جەند جارێک بە هۆی کاری رۆژنامەوانیەکانیەوە لەلایەن ناوەندە ئەمنییەکانەوە رووبەڕووی بانگهێشت و لێپێچینەوە کرابووەوە.

ئێران یەکێک لەو وڵاتانەیە کە ژمارەیەکی زۆر لە رۆژنامەوانان و میدیاکاران تیایدا زیندانی کراون و بەردەوام فشار دەخرێتە سەر میداکاران.

بەگوێرەی راپۆرتی رێکخراوی پەیامنێرانی بێ سنوور بۆ ساڵی ٢٠٢٣ ئێران لە ناو ١٨٠ وڵاتدا، لە رووی ئازادی کاری رۆژنامەوانیەوە لە پلەی ١٧٧ پۆلێن کرابوو.

هـ . ب