تەرمی شەهید دیلان ئۆلگون گەریلا یەژا-ستار کە لە ٢٨ی ئابدا شەهید ببوو، دوای ١٠٠ رۆژ رادەستی خانەوادەکەی کرایەوە. خانەوادەی شەهید دوای بیستنی هەواڵی شەهیدبوونی کچەکەیان سەردانی لایەنی پەیوەندیداریان کردبوو و پشکنینیشیان ئەنجام دابوو، بەڵام دوای ١٠٠ رۆژ لە هەوڵدان، خانەوادەی شەهید توانی تەرمی کچەکەیان وەربگرن.

خانەوادەی شەهید دوێنێ تەرمی کچەکەیان لە گۆڕستانی بێکەسان لە شاری قەرس وەرگرت و لە گۆڕستانی کارشییاکای ناوچەی ئارموشی شاری وان بەخاک سپارد.

بە بیانووی مەترسی بڵاوبوونەوەی ڤایرۆسی کۆرۆنا تەنها رێگا بە خانەوادەی شەهید درا بەشداری لە مەراسیمی بەخاکساردنیدا بکەن.

ز.ش