تەڤگەری ئازادیی کۆمەڵگەی کوردستان رایگەیاند، ھیوادارین لە م چەژنەدا گەلانی چەوساوە، تێکۆشان بۆ ئازادیی و دیموکراتیی و پێکەوە ژیان فراوانتر بکەن، جەختیشی کردووەتەوە، ئەوانەى ژیانى خۆیان لەپێناو خاک بەخشى خاوەنى جەژنى قوربانن.
تەڤگەری ئازادیی کۆمەڵگەی کوردستان لەبارەى هاتنى جەژنى قوربان ڕاگەیەندراوێکى بڵاوکردەوە.
لە ڕاگەیەندراوەکەدا هاتووە، "بە بۆنەی جەژنی قوربانەوە، بەناوی سەرجەم ئەندامانی تەڤگەری ئازادیی کۆمەڵگەی کوردستانەوە، پیرۆزبایی لە موسڵمانانی کوردستان و گەلان دەکەین.
ھیوادارین گەلانی بێ ماف و زەوتکرا و چەوساوە، تێکۆشان بۆ ئازادیی و دیموکراتیی و پێکەوە ژیان فراوانتر بکەن، دژی داگیرکەر و زاڵمی تاڵانکەر و ستەمکارانی سەردەم، کە لە رۆژگاری ئەمڕۆدا، بە چەکی قەدەغەکراو و زھنیەتی نەتەوەگەرایی و ئاینگەرایی، خاک و نیشتمانی ئێمە بۆردومان و سوتماک دەکەن.
گەلی ئێمە سەدان ساڵە، لە پێناو ئازادیی و دادپەروەریی و ژیانی ئازاددا قوربانیی دەدات، بە ھەزاران رۆڵەی لەو پێناوەدا کردوەتە قوربانیی.
لە یادەوەریی جەژندا، وەک وەفادارییەک پێویستە سەردانی گۆڕی شەهیدان بکەین و بنەماڵەکانیان بەسەر بکەینەوە و پشتگیریی لە خانەوادەی شەهیدان و زیندانییانی دۆزی ئازادیی بکەین، چونکە ئەوانەی ژیان و گیانی خۆیان بەخشی لەپێناو خاک و بوون و راستیی و دادپەروەریی و ئازادییدا خاوەنی راستەقینەی جەژنی قوربانن.
پیرۆزبایی جەژنی قوربان لەسەرجەم شەھیدانی رێی ئازادیی و تەواوی گەلی کورد ستان دەکەین و ھیوا خوازیین لەم جەژنەدا گیانی ھاوکاریی و ئاشتەواویی بەھێزتر بێت و کوردستان ئاوەدان و ئازاد بێت.".
هـ . ب
