ئۆزگور ئۆزەل: نەورۆزتان پیرۆز بێت
ئۆزگور ئۆزەل سەرۆکی جەهەپە پەیامێکی بۆ نەورۆزی ئامەد نارد و ڕایگەیاند؛ "بەو باوەڕەی کە بە دیموکراسی، دادپەروەری و ئازادی هەمانە، پێکەوە تورکیا لەسەر بنەمای هاوڵاتیبوونی یەکسان بۆ هەمووان بنیات دەنێین."
ئوزگور ئۆزەل
"بەڕێز تولای حاتەم ئۆغوڵاری هاوسەرۆکی دەم پارتی،
بەڕێز تونجەر باقرخان، هاوسەرۆکی دەم پارتی،
گەلی ئامەدی هێژا، خوشک و برا بەڕێزەکانم،
ئێمە لە لایەک لە دژی ئەژدەهاکی ستەمکار تێکۆشان دەکەین و لە لایەکی دیکەوە مزگێنی بەهار و نەورۆز پیرۆز دەکەین.
ئەم خاکە خاکێکی کۆنە کە کولتوور، زمان و بیروباوەڕییە جیاوازەکان بە خوشک و برایەتیەوە پێکەوە تێدا دەژین، پشتیوانی و هیوای تێدا گەشە دەکات. هیچ ستەمکارێک، هیچ ئەژدەهاکێک نەیتوانیوە خوشک و برایەتیمان تێکبدات و قەد ناتوانن لەناوی بەرن!
بەنرخی دەوڵەمەندی فرەچەشنیمان، بە ئیرادەوە بۆ بنیاتنانی وڵاتێک کە کەس هەست بە جیاوازی نەکات و هەمووان مافی یەکسانیان هەبێت و بە ئارامی تێدا بژین درێژە بە تێکۆشانمان دەدەین.
بە باوەڕێکە بە دیموکراسی، دادپەروەری و ئازادی هەمانە، پێکەوە تورکیا لەسەر بنەمای هاوڵاتیبوونی یەکسان بۆ هەمووان بنیات دەنێین. تینی ئاگری نەورۆز، وەک ئەو ئاگرەی ئەمڕۆ کراوەتەوە، دڵمان ڕووناک دەکاتەوە و هیواکانمان بۆ داهاتوو مەزنتر دەکات.
بەم بیر و باوەڕیەتەوە و ئەم هەستانەوە، نەورۆز لە هەموو خوشک و براکانم لە ئامەد پیرۆز دەکەم؛ هیوادارم ئەم بەهارە ببێتە هۆی ئاشتی، خوشک و برایەتی و دیموکراسی.
دیسان نەورۆزتان پیرۆز بێت."
