ئێشکگریى دیموکراسی لە دژی دەستبەسەرداگرتنى شارەوانییەکانى هەدەپە لە ١٩هەمین رۆژدایە. چالاکییەکە لە شەقامی لیسەی ئامەد بەردەوامە. هاوکات لەگەڵ پەرلەمانتارانی هەدەپە، بەڕێوەبەرانى پارتی سۆسیالیستی بندەستان (ئەسەپە - ESP)، ئەندامانى ئەنجوومەنى دایکانی ئاشتی، کۆمەڵەى پشتیوانى لە بنەماڵەى بێسەروشوێنکراوانی میزۆپۆتامیا (مەبیادەر / MEBYA-DER)  و سەدان   کەسی تر بەشداریی چالاکییەکە بوون.

هاوکات لەگەڵ چالاکییەکەدا پۆلیسی دەورووبەری شوێنى چالاکییەکە و چالاکوانەکانى گەمارۆداوە. جەماوەری گەلیش بە وتنەوەی دروشم لە دژی دەستبەسەرداگرتنى شارەوانییەکانی هەدەپەیان ئیدانە کرد. بەشداربوانى چالاکییەکە لەسەر کورسیى ئازادی لە گۆڕەپانى چالاکییەکەدا بۆچوون و رای خۆیان خستەڕوو.

چاوەڕێ دەکرێت بەشداربوانى چالاکیى ئێشکگریى دیموکراسی کۆنفرانسێکى رۆژنامەنووسیش رێکبخەن.

ژ.ت