دایکان لە مەخموور لەدژی گەمارۆی کەمپی مەخموور ماوەی ٥ڕۆژە چالاکیی دانیشتن ئەنجام دەدەن. دایکان لەهەمبەرپەدەکە کاردانەوەیان نیشاندا و ئەوەیان خستەڕوو کە هەتاکوو کۆتایی بە گەمارۆی سەر کەمپی مەخموور نەهێنرێت واز لە چالاکیی ناهێنن.
بە ئامانجی لابردنی گەمارۆ لەسەر مەخموور، دایکانی ئاشتی مەخموور لە بازگەی کۆنتڕۆڵی ئاسایشی پارتی چالاکی دانیشتن-یان ئەنجامدا. چالاکییەکە لە ڕۆژی ٥هەمی خۆیدایە. گەمارۆی کەمپی پەنابەرانی مەخموورلە لایەن پارتی دیموکراتی کوردستانەوە ماوەی ٥٠ ڕۆژە بەردەوامە.
فادیلە تۆک ئەندامی ئەنجومەنی عەشتار کە کاتی چالاکییەکانی مانگرتن بۆ لابردنی گۆشەگیری سەرڕێبەری گەلی کورد عەبدوڵا ئۆجالان ١٢٧ ڕۆژ مانی لەخواردن گرتبوو، بەشداری ئەو چالاکییە بووە و دەڵێت: پێویستە هەر کوردێکی بە ویژدان دژی داگیرکەرییەکانی دەوڵەتی تورک بوەستێتەوە و پارێزگاری لە شەرەف و ناموسی خۆی بکات، پێویستە کورد لەم قۆناغەدا یەکێتی خۆی دروستبکات و بە یەکێتی وەڵامی دوژمن بداتەوە، داوا لە هەموو ژنان دەکەم کە بڕژێنە مەیدانەکان و بەرخۆدان بکەن.
دایکانی ئاشتی ئەوەیان خستەڕوو کە ماوەی پێنج ڕۆژە چالاکییەکەمان دەستپێکردووە، بەڵام تا ئێستا هیچ بەرپرس و کاربەدەستێکی حکومەتی هەرێم وەڵامی داواکارییەکەی ئێمەی نەداوەتەوە، ڕێگە بە خوێندکار، کرێکار و نەخۆشەکان نادرێت بچنە هەولێر، ئەو ڕێگا کراوەیە و تەنیا بەڕووی مەخمورییەکان-دا داخراوە، ئێمە دەڵێن براین، بەڵام ئەوام وەک ئێمە بیر ناکەنەوە، داخۆ ئەگەر ئێمە بچینە هەولێر چی لەوان دێت؟! داوامان ئەوەیە کە ئەم گەمارۆیە لەسەر پەنابەران لاببرێت.
لە ڕێککەوتی ۱۷ی مانی ڕابردووەوە، لە لایەن دەسەڵاتداری هەرێمی پارتی دیموکراتی کوردستانەوە گەمارۆ خراوەتە سەر کامپی پەنابەرانی شەهید ڕوستەم جودی لە قەزای مەخموور. گەمارۆکە کاریگەری نەیێنی کردووەتە سەر کۆی گشتی ژیانی پەنابەرەکان و تا ئێستا چەندین ژنی دووگیان منداڵەکانیان لەبارچوون، نەخۆشەکان بۆ چارەسەری ناتوانن سەردانی شارەکانی هەرێمی کوردستان بکەن، ژمایەکی زۆری خوێندکار بەتایبەتی خوێندکارانی زانکۆ و پەیمانگەکان لە پرۆسەی خویندن بێبەش کراون و ناتوان سەردانی پولەکانی خوێندن لە هەولێر بکەن. بەگشتی کامپەکە وەگەڕێندراوەتە زیندانێکی مەزن و دانیشتوانە هەزاران کەسییەکەی لە هەموو جۆرە خزمەتگوزاریەک بێبەش کراون.
ک-ش
