لە راگەیاندراوەکەى رەژاک دا هاتووە "فكر و فەلسەفەی نەتەوەی دیموكراتیك سەرچاوەی سەركەوتنی قەسەدەیە، لێرەدا ئەو سەركەوتنە له‌ ئافرێنەری هێڵی ئازادی مرۆڤایەتی ڕێبەر ئاپۆ پیرۆز دەكەین".

ئاماژە بەوەشکراوە "ئەوە سەركەوتنی قەسەدە سەركەوتنی بەرخودانی گەلی عەرەب و كورد و توركمانی و سریانییە كە نەیانهێشت ئامانجی داعشی تاریك و فاشیست پێك بێت و ئەو بەرخودانە ڕێگای نەدا سیستەمێكی قڕكەر و زاڵم و دژه‌ ژن بونیاد بنرێت".

لە راگەیاندراوەکەى رەژاک دا ئەوەش هاتوە "ئەمڕۆ لە ڕۆژئاوا و باكوری سوریادا شۆڕشی ژنان بە هەموو ڕەنگی خۆی هێز و باوەڕی دەداتە هەموو ژنانی جیهان، بێگومان پێشه‌نگی ئه‌م سەركەوتنە مەزنە هێزی ژن و ڕیكخستن و قارەمانیەتی ژنه‌".

دەقی راگەیاندراوەکەى ئەنجوومەنی ڕێكخراوی ژنانی ئازادی كوردستان (ڕەژاك)

بۆ ڕای  گشتی

لە ئەنجامی بەرخودانی شكۆی (قەسەدە - QSD) دوژمنی مرۆڤایەتی و نوێنەری فاشیزم، واتا داعش شكستی هێنا. ئه‌م سەركەوتنە سەرەتا له‌‌ هێزی پێشەنگ (YPJ،YPG،QSD) پیرۆز دەكەین، دیسان ئەو سەركەوتنە مەزنە لە هه‌موو تاكی گەلی كورد و تەواوی گەلانی ڕۆژهەڵاتی ناوەڕاست پیرۆز دەكەین.

بەو بۆنەیەوە ئافرێنەری ئەو سەركەوتنە بەبیر دێنین لە كوردستان و ڕۆژهەڵاتی ناویندا، فكر و فەلسەفەی نەتەوەی دیموكراتیك سەرچاوەی سەركەوتنی قەسەدەیە، لێرەدا ئەو سەركەوتنە له‌ ئافرێنەری هێڵی ئازادی مرۆڤایەتی ڕێبەر ئاپۆ پیرۆز دەكەین.

لەبەرامبەر سیاسەتی قڕكردن و داگیركەری، تەنیا چارەسەری نەتەوەی دیموكراتیك دەتوانێ بەرژەوەندی گەلان بپارێزێت.

چارەسەری نەتەوەی دیموكراتیك دێتە واتای ئافراندنی ئازادی و هاوسەنگی خوشك و برایەتی گەلان، بۆ ئەوە سەركەوتنی قەسەدە سەركەوتنی بەرخودانی گەلی عەرەب و كورد و توركمانی و سریانییە كە نەیانهێشت ئامانجی داعشی تاریك و فاشیست پێك بێت و ئەو بەرخودانە ڕێگای نەدا سیستەمێكی قڕكەر و زاڵم و دژه‌ ژن بونیاد بنرێت، ئەو بەرخودانە نە تەنها گەلی كورد و ڕۆژهەڵاتی ناوین بەڵكو تەواوی مرۆڤایەتی لە بەڵایەكی مەزن رزگار كرد.

ئەگەر ئەمڕۆ وەحشیگەراییەتی و زوڵمی داعش كۆتایی هاتبێت، ئەوا ئێمە قەرزاری هێزی بەرخودانی (یەپەژە و یەپەگە و قەسەدە)ین، بەتایبەت فكری ڕێبەر ئاپۆ كە بووەتە نەخشەی سەركەوتنی هێزی گەلان و ژنان .

ئەمڕۆ لە ڕۆژئاوا و باكوری سوریادا شۆڕشی ژنان بە هەموو ڕەنگی خۆی هێز و باوەڕی دەداتە هەموو ژنانی جیهان، بێگومان پێشه‌نگی ئه‌م سەركەوتنە مەزنە هێزی ژن و ڕیكخستن و قارەمانیەتی ژنه‌، وەك شەهیدان (ئارین، دەستینا، ئاڤێستا، كانی) و نمونه‌ی ئەوان و هەزاران ژنی تری قارەمان دژی وەحشیەتی داعش بەرگری لەهەبوونی ژنی ئازادیان كردووه‌ و دەیكەن.

ئەم سەركەوتنە بۆ ئێمەش وەكو ڕەژاك و هه‌موو ژنان لە باشووری كوردستان بێگومان ئەتوانێ ببێتە بناغە و هێزێكی مەزن، كە بتوانین بە باوەڕی و ئیرادەوە دژ بە هەر چەشنە ئەقڵیەتێكی داگیركەر و ڕه‌گەز پەرست كانی ئاسا  و  دەستینائاسا درێژە بە تێكۆشانمان بدەین.

ر.م