ئاهەنگی پیرۆزباییەکە لە لایەن ناوەندی کۆمەڵگای دیمۆکراتیکی-ی کوردەوە بەڕێوە چوو، بە دەقەیەک رێزگرتن لە شەهیدان دەستی پێکرد.

لەگەڵ پۆستەرێکی رێبەری گەلی کورد عەبدولا ئوجالان، ئاڵاکانی یەپەگە و یەپەژ-ەش لە پشتی تەختی شانۆکە هەڵواسران.

هاوسەرۆکی ناوەندی کۆمەڵگای دیمۆکراتیکی کورد ئامارا ستەڤری لە ئاهەنگەکەدا قسەی کرد و باسی لە قۆناغی گەورەبوونی پەکەکە کرد.

دواتر سیاسەتمەدار ئەعبدولا دەڤەجی باسی لە دەستەکەوتەکانی گەلی کورد کرد کە بە هەوڵەکانی بزوتنەوەی ئازادی کورد بەدەست هاتوون و تیشکیشی خیستە سەر هێرشەکانی دەولەتی تورک داگیرکەر بۆسەر باشور و رۆژئاوای کوردستان و پەیامی ئاراستەی کوردستانییان و هاوڕێو دۆستانیان کرد کە هەوڵەکانیان بخەنە گەڕ بۆ دەرخستنی رووی راستەقینەی دەوڵەتی تورک و پشتیوانییان بۆ گەلانی رۆژئاوای کوردستان بەرفراوانتر بکەن.

لە ئاهەنگی پیرۆزباییەکەدا، هەر یەک لە هونەرمەندان خەلیل خەمگین و دیار دێرسم و شیار گۆرانییەکانیان پێشکێش کردن.

بەشدارانی ئاهەنگەکەش دروشمی "بژی پەکەکە"، "بژی خۆڕاگریی رۆژئاوا"یان بەرز کردەوە و ئاهەنگەکە بە گێرانی شاهی و هەڵپەرکێ، کۆتایی پێهات.

ز.ش