ئەمڕۆ لە کامپی پەنابەرانی شەهید ڕۆستەم جودی لە مەخمور، بە مەراسیمێک یادی سێ ژنە تێکۆشەری کورد، ساکینە جانسز (سارا)، فیدان دۆغان (ڕۆژبین) و لەیلا شایلەمەز (ڕۆناهی)، کە ٩ی مانگی ١ی ساڵی ٢٠١٣ لە پاریسی پایتەختی فەرەنسا کۆمەڵکوژکران و شەهیدبوون، کرایەوە.

لە مەراسیمەکەدا نوران سەزگین ئەندامی ئەنجومەنی عەشتار قسەیکرد و، وتی: لە ٩ی مانگی ١ی ساڵی ٢٠١٣ لە پاریسی پایتەختی فەرەنسا لەلایەن میت و ئاکەپەی فاشیستەوە سێ ژنە تێکۆشەری کورد شەهید کران، شەهید سارا لە زیندانی ئامەد-دا لەدژی زۆڵم و فشارەکانی سەری دانەنواند، هەمیشە بە بەهێزی دەناسرا، ڕێبازی شەهید سارا وایکرد کە ژنانی کورد بەرخۆدان بکەن و تێکۆشانیان بۆ ئازادی بەرز بکەنەوە، جەختیشی لەوە کردەوە کە تا کۆتایی ڕێگەی بەردەوام دەکەن و بەرخۆدان دەکەن.

ز.ش