هلیکۆپتەرەکانی سوپای داگیرگەری توركیا گەرووی سیران، كەندە كەری و دەراو-یان بۆردومان كرد و زیانیان بە ژینگە و سروشتی ناوچەكە گەیاند.

شاھین عوزێر دانیشتووی گوندی خەلیفان بە ئاژانسی ھەوالی فورات  (ANF)ی راگەیاند: "بەداخەوە دوێنی شەو بۆ ماوەی زیاتر لە دوو كاتژمێر سوپای توركیا چەندین شوێنی لە نزیك گوندەكەی ئێمە بۆردومان كرد. بەهۆی سوڕانەوە و بۆدرومانی فڕۆکە و کۆپتەرەکانى تورکیاوە ناتوانین رۆژانە ئیش كارەكانمان بكەین و مەڕ و ماڵاتەکانیشمان بلەوەڕێنین".

ئەو ھاووڵاتییە ئاماژەی بەوەشكرد، بەهۆی بۆردومانەکانى تورکیاوە ناتوانن بە ئارامی لە ئاوایەكانیان دابنیشن و كارەكانیان ئەنجام بدەن، یان لە ماڵەکانیان بێنە دەرەوە.

سوپای توركیای داگیركەر جگە لە دروستکردنى زیاتر لە ٢٠ بنکەى سەربازی لە خاکى باشووردا، ماوەی زیاتر لە ساڵێكیشە لە سنووری سیدەکان و برادۆستەوە دەستدرێژیى کردووەتە سەر خاکى باشووری کوردستان و ناوچەیەکى فراوانى لە خاکى باشوور داگیرکردووە.

ر.م