لەو چوارچێوەیەدا لە شاری ئامەد چالاکی ئیدانەکردن لە ڕۆژی ٤هەمینی خۆیدایە . مووسا فارسوگوولار، دەرسیم داغ، ڕەمزییە توسوون، فەلەکناس ئوجا و دڵشاد جانباز پەرلمانتارانی هەدەپە و ژمارەیەک لە ئەندامانی هەدەپە لە بەردەم شارەوانی ئاممەد دا دەستیان بەچالاکیی کردووە.
چاوەڕان دەکرێت کە لە کاتژمێرەکانی داهاتووە دا چالاکوانان ڕاگەیەنراوێک بڵاوبکەنەوە.
لە چالاکییەکەی چوارشەممەدا پۆلیس هێرشی کردەسەر خۆپیشاندەران و پەرلمانتارێکی هەدەپە و ڕۆژنامەوانێک کرایە ئامانج. هەروەها ١٠کەس لە خۆپیشاندەران دەستگیرکران.
ڕۆژی ١٩ی ئاب/٢٨ی گەلوێژ پۆلیسی تورک هەڵیکوتایە سەر شارەوانییەکانی ئامەد، وان و مێردین و هەریەک لە بەدیعە ئۆزگۆکچە ئەرتان، هاوسەرۆکی شارەوانیی وان، ئەحمەد تورک، هاوسەرۆکی شارەوانی مێردین و سەلجوق مزراکلی، هاوسەرۆکی شارەوانیی ئامەد-ی لەکاردوورخستەوە، ئەوەش ناڕەزایەتی گەل و لایەنە سیاسییەکانی لە باکووری کوردستان و تورکیا و دەرەوەی لێکەوتەوە و بۆ چوارەم ڕۆژی لەسەر یەک ناڕەزایەتیەکان بەردەوامە.
ک-ش