لە چالاکیى گەریلا لە ئیدر ١٢ سەربازی سوپاى تورک کوژران
هەپەگە رایگەیاند، لە چالاکیى هێزەکانى گەریلا لە دژی یەکەیەکى شاراوەى سوپاى تورک لە ناوچەى ئیدر لە باکووری کوردستان ١٢ سەربازی سوپاى تورک کوژراون.
ناوەندى راگەیاندن و چاپەمەنیى هێزەکانى پاراستنى گەل (هەپەگە) بڵاویکردەوە، رۆژی ٤ی کانوونی دووەمی ٢٠١٩ / ١٥ی بەفرانبار بڵاومانکردەوە، کە لە کاتژمێر ٢ دا چالاکییەک لە دژی یەکەى شاراوەى سوپاى تورک لە ئیدر ئەنجامدراوە و بە لانیکەمەوە ٥ سەربازی سوپاى تورک لەو چالاکییەدا کوژراون.
ئێستاش بە پێى ئەو زانیارییانەى لە هەرێمەکەوە بە دەستمان گەیشتوون، ژمارەى سەربازە کوژراوەکانى سوپاى تورک لەو چالاکییەدا لە دەورووبەری بنکەى سەربازیى ئاخور، کە لە دژی ئەو یەکە شاراوەیى سوپاى تورک کە لە ئۆپەراسیۆن دا بوون و ئەنجامدرا، ١٢ سەرباز کوژراون.
ئاماژە بەوەشکراوە، تەرمی سەربازە کوژراوەکان بە کۆپتەر گواستراونەتەوە بۆ نەخۆشخانەکانى ناوچەکە.
ر.م
