پێشەنگاکە لە لایەن هونەرمەند (مەهدی شەفیق) لەژێر ناوی (گەشتێک بەنێو مێژووی دێرینی کەرکوک)کرایەوە، ژمارەیەکی زۆر وێنە نمایشکرابوون کە دەیان شوێنی مێژووی و کەسایەتی ئەوسەردەمانە لە زوومی کامیراوە وێنە گیراوبوون.

هونەرمەند مەهدی شەفیق دەربارەی پێشانگاکە بۆ ئاژانسی هەوڵی فورات ووتی: "ئەمرۆ بەهاوکاری کردنی سەنتەری رۆشنبیری کەرکوک توانیمان پێشەنگایەک بکەینەوە .

 ژمارەیەکی زۆری وێنەی مێژوویی شاری کەرکووکم کۆکردووەتەوە کە کۆنترین وێنە مێژووەکەی دەگەڕێتەوە بۆ ساڵی ١٩٠٨ گیراوە لە سەردەمی حکومی عوسمانیەکان لەکەرکوکدا."

هەروەها مەهدی شەفیق بۆ ئاژانسی هەواڵی فورات ووتیشی: " وێنەکان هەموو شوێنەکانی کەرکوکی تێدایە وەکو شەقام و بازار وگەرەکەکانی شارەکە و پردە کۆنەکان و کەسایەتیە ناسراوەکانی شارەکەش لەم فۆتۆیانە بوونیان هەیە ، مێژووی ئەم فۆتۆیانەی پێشەنگاکە دەگەرێتەوە بۆ ساڵی ١٩٠٨ تا ساڵی١٩٨٠."

ک-ش