لە پارکی لەیلا قاسم، لە شارۆچکەی کەلاری ناوەندی ئیدارەی گەرمیان، بەرەی نیشتیمان دژی داگیرکاری لە گەرمیان، هەڵسان بە کردنەوەی پێشانگایەکی فۆتۆگرافی، بۆ نیشاندانی دڕندەیی و داگیرکارییەکانی دەوڵەتی تورک لەسەر ڕۆژئاوای کوردستان.

زۆرینەی وێنەکان پێکهاتبوون لە برینداران و قوربانیانی مەدەنی هاوڵاتیانی ڕۆژئاوای کوردستان، لە بەرکەوتووانی چەکی فسفۆڕ و کیمیاوی، لە دەرئەنجامی هێرش و داگیرکارییەکانی دەوڵەتی تورک.

ڕێکخەرانی پێشانگاکه سەبارەت بە پەیامی پێشانگاکەیان ئاماژەیان بۆ ئەوەکرد" پەیامی ئێمە ئەوەیە خەڵک ڕاستییەکان لەڕێی وێنەکانەوە ببینن، کە چۆن ڕژێمی داگیرکەری دەوڵەتی تورک بە هەموو شێوازێکی دڕندانە و نا مرۆڤانە ڕووبەڕووی گەلەکەمان بونەتەوە لە ڕۆژئاوای کوردستان.

ف.ق