مانگرتن له‌ سلێمانی له‌ ڕۆژی دوازده‌هه‌مدا به‌رده‌وامه‌

مانگرتن له‌ خواردن له‌ شاری سلێمانی دژی گۆشه‌گیریی تووندی سه‌ر ڕێبه‌ری گه‌لی كورد عه‌بدوڵا ئۆجالان له‌ ڕۆژی دوازده‌هه‌مدا به‌رده‌وامه‌.

كۆمه‌ڵه‌ی كرێكارانی میزۆپۆتامیا له‌ سلێمانی دژی گۆشه‌گیركردنی ڕێبه‌ری گه‌لی كورد عه‌بدوڵا ئۆجالان به‌ درووشمی «سیسته‌می ئیمڕاڵی هه‌ڵده‌وه‌شێنین و له‌گه‌ڵ ڕێبه‌ره‌كه‌مان به‌ئازادی ده‌ژین» مانگرتن له‌ خواردنی ڕاگه‌یاندبوو. مانگرتنه‌كه‌ له‌ ڕۆژی دوازده‌هه‌مدا به‌رده‌وامه‌ و گرووپی حه‌وته‌م له‌ نۆبه‌تی مانگرتندایه‌.

ته‌سین یڵدز به‌ ناوی گرووپی حه‌وته‌می مانگرتوان ڕایگه‌یاند، «ئێمه‌ سڵاو له‌ مانگرتن له‌ خواردنی به‌ندیخانه‌ی خارپێت ده‌كه‌ین. گومانی تێدا نییه‌ كه‌ هه‌تا گۆشه‌گیری به‌رده‌وام بێت، چالاكیی ئێمه‌ش به‌رده‌وام ده‌بێت.»

ئیدانه‌ی ئاسایش كرا

یڵدز، ده‌ستگیركردنی ئه‌ندامانی كۆمه‌ڵه‌ی كرێكارانی میزۆپۆتامیای له‌ لایه‌ن ئاسایشی هه‌رێمی كوردستانه‌وه‌ ئیدانه‌ كررد و گوتی، «له‌ بری ئه‌وه‌ی دژایه‌تیی كوردان بكه‌ن، با یه‌كبگرن و كۆنگره‌ی نه‌ته‌وه‌یی ساز بكه‌ن.»

s.m