هەپەگە: بەڕێزەوە یادی شەهیدانی دێرسم دەکەینەوە
هەپەگە ڕایگەیاند، لە ٢٣ی حوزەیران/ ٢ی پوشپەڕدا، جیهان چەلەبی (حەقی) کە فەرماندەی ئیالەت بوو، لەگەڵ سێ گەریلای دیکە لەشەڕدا شەهید بوون.
هەپەگە ڕایگەیاند، لە ٢٣ی حوزەیران/ ٢ی پوشپەڕدا، جیهان چەلەبی (حەقی) کە فەرماندەی ئیالەت بوو، لەگەڵ سێ گەریلای دیکە لەشەڕدا شەهید بوون.
ناوەندی ڕاگەیاند و چاپەمەنی هەپەگە، ناسنامەی ٤ گەریلای شەهیدی ئاشکرا کرد.
هەپەگە لە ڕاگەیاندراوەکەیدا ئەوەی ئاشکرا کردووە:
"لە ڕاگەیاندراوێکماندا لە ٤ی ئاب/ ١٣ی گەلاوێژدا ڕامانگەیاندبوو کە لە ٢٣ی حوزەیران/ ٢ی پووشپەڕ، لە نزیک گوندی زامەکێ-ی دێرسم، لەنێوان سوپای تورکی داگیرکەر و هێزەکانماندا شەڕ دروست بوە، لەو شەڕانەدا ٤ هەڤاڵمان شەهید ببوون. لەو شەڕانەدا هەڤاڵمان حەقی (جیهان چەلەبی) فەرماندەی ئیالەتی دێرسم و ئەو هەڤاڵانەی لەگەڵی بوون عەدنان (مەحمود ئالنبای)، ڕزگار (عەبدولکەریم ئارڤاس) و سیدار (مەزلوم ئاتار) دوای شەڕێکی قارەمانە لەبەرانبەر دوژمن، شەهید بوون.
ناسنامەی هەڤاڵە شەهیدەکانمان بەم شێوەیەیە:
ناسناو: حەقی پیر
ناو و پاشناو: جیهان چهلهبی
جێی لەدایكبوون: دێرسم
ناوی دایک و باوک: دهسیمه - موستەفا
مێژوو و شوێنی شەهیدبوون: ٢٣ی حوزەیرانی ٢٠١٩/ ٢ی پووشپەڕ - دێرسم
ناسناو: عەدنان پیرۆ
ناو و پاشناو: مەحمود ئالنبای
شوێنی لەدایکبوون: ئامهد
ناوی دایک و باوک: شهڤگول - ئەحمەد
مێژوو و شوێنی شەهیدبوون: ٢٣ی حوزەیرانی ٢٠١٩/ ٢ی پووشپەڕ - دێرسم
ناسناو: ڕزگار سەبری شاهین
ناو و پاشناو: عەبدولكهریم ئاڤراس
شوێنی لەدایکبوون: بهدلیس
ناوی دایک و باوک: مهمیخان - ئەكرهم
مێژوو و شوێنی شەهیدبوون: ٢٣ی حوزەیرانی ٢٠١٩/ ٢ی پووشپەڕ - دێرسم
ناسناو: سیدار دێرسم
ناو و پاشناو: مەزلووم ئاتار
شوێنی لەدایکبوون: دێرسم
ناوی دایک و باوک: ئامینه - تەحسین
مێژوو و شوێنی شەهیدبوون: ٢٣ی حوزەیرانی ٢٠١٩/ ٢ی پووشپەڕ - دێرسم
هەڤاڵ حەقی فەرماندەیەکی پێشەنگ و نمونە بوو
هەڤاڵ حەقی لە ساڵی ١٩٧٨ لە دێرسم لەدایکبووە و بە کەلتوری کوردی لە دێرسم گەورە بووە. وەکو هەزاران منداڵی کورد لە کوردستان گەورە بوون، حەقیقەتی دوژمنی زوو ناسیووە. لەبەرانبەر سیاسەتەکانی دوژمن و قڕکردنەکانی ساڵی ٢٠٠٤دا ڕووی لە چیاکانی کوردستان کرد و بەشداری ناو ڕیزەکانی گەریلا بووە. هەڤاڵ حەقی بە کەسایەتییە دینامیکی و فیداکارییەکەی لەماوەیەکی کورتدا لەبواری سەربازیدا زۆر پێشکەوت و ئەرکەکانی خۆی بە بەرپرسیارییەتی جێبەجێ کرد. لە هەرێمەکانی پاراستنی مەدیا هەتا دێرسم وەکو نوێنەرێکی هێڵی گیانفیدایی بزووتنەوەی ئاپۆیی بە دڵێکی ساف و پاک بەشداری خەباتەکانی کردووە.
هەتا دواهەناسە بە گیانفیدایی شەڕیان کرد
هەڤاڵانمان عەدنان، ڕزگار و سیدار-یش کاتێک دەوڵەتی تورک بە دڕندەیی هێرشی گەلی کوردی کرد، بەشداری ناو ڕیزەکانی گەریلا بوون و هەر هەڤاڵێکمان بە پراکتیکی خۆی لە گەریلایەتیدا بوونە سیمبۆلی ڕەنج و گاینفیدایی. هەڤاڵانمان عەدنان، ڕزگار و سیدار لەو شوێنانەی لێی تێکۆشاون هەموو ئەرک و بەرپرسیارییەتییەکانی خۆیان بەبێ کەموکوڕی جێبەجێ کردووە. هەڤاڵانمان لەدژی ئۆپەراسیۆنەکانی داگیرکەریی سوپای تورک لە دێرسم هەتا دواهەناسەیان بەرخۆدانیان کرد و هەموو پیلانەکانی دوژمنیان لەناوبردووە.
پێش هەموو شتێک سەرەخۆشی لە بنەماڵەی شەهیدانمان دەکەین، سەرەخۆشی لە گەلی کوردستان دەکەین و بەڵێنی خۆمان دووبارە دەکەینەوە کە خەونی شەهیدانمان لە تێکۆشانی خۆماندا بەرجەستە بکەین".
ک-ش