ناوەندی ڕاگەیاندنی هێزەکانی پاراستنی گەل-هەپەگە دەربارەی چالاکی گەریلاکان وهێرشی ئاسمانی لەسەر هەرێمەکانی پاراستنی مەدیا ڕاگەیەنراوێکی بڵاوکردەوە. هەپەگە ڕایگەیاند کە لەڕێکەوتی ٢٨ی کانووی یەکەم/٧ی بەفرانبارهێزەکانیان لە گردی لێلیکان-ی باشووری کوردستان لەدژی سوپای داگیرکەری تورکیا چالاکییان ئەنجامداوە و لەئەنجامی ئەوچالاکییەدا ٦سەربازی سوپای تورکیا کوژران وسەربازێکی تریش برینداربووە.

لە راگەیەنراوەکەی هەپەگەدا هاتووە:

" لە ڕۆژی ٢٨ی کانوونی یەکەم/٧ی بەفرانبارلە کاتژمێر ١١:٠٠ هێزەکانمان لەسەرگردی لێلیکان-ی سەربەسیدەکانی باشووری کوردستان لەدژی یەکینەیەکی سوپای تورکیای داگیرکەرچالاکییان ئەنجامدا. هێزەکانی ئێمە جموجووڵی سەربازەکانی دوژمن-یان خستەژێرکۆنتڕۆڵی خۆیان ولەدوو قۆڵەوە هێرشیان کردەسەریان. لەوچالاکییەدا ٦سەربازی سوپای تورکیا کوژران وسەربازێکی تریش برینداربوو.

گەریلاکانی ئێمە چوونەسەرجەنازەی سەربازانی تورک و دەستیان گرتبەسەرچەک و کەرەستەسەربازییەکانیاندا.

دوای چالاکییەکە سوپای تورکیا بەکەڵک وەرگرتن لەهەلیکۆپتەرکوژراووبریندارەکانی خۆیان کۆکردەوە.

'هێرشی ئاسمانی'

ڕۆژی ٢٧ی کانوونی یەکەم/٦ی بەفرانبار لەنێوان کاتژمێرەکانی ٢٢:٠٠ بۆ ٢٣:٠٠ فڕۆکەجەنگییەکانی سوپای تورکیا گردی هەکاری سەربە ناوچەی مەتینا-ی هەرێمەکانی پاراستنی مەدیایان بۆردومانکرد. هەپەگە ڕایگەیاند کە لەبۆردومانەکەدا هیچ زیانێک بەرگەریلاکانمان نەکەوتووە."

ک-ش