ئازاد جوڵا ئەندامی مەکتەبی پەیوەندییەکانی یەكێتیی نیشتمانیی کوردستان (یەنەکە) دەربارەی دەستبەسەرداگرتنی شارەوانییەکانی  هەدەپە لە شارەکانی ئامەد، مێردین و وان بە ئاژانسی هەواڵی فورات (ANF)ی راگەیاند، سەرۆکی شارەوانییەکان هەڵبژێردراوی خودی خەڵکن و دەبێت دەسەڵاتی تورکیا ڕێز لە ئیرادەی گەل بگرێت.

راشیگەیاند، ئێمە لە ڕابردودا، ئێستا و داهاتوشدا داوای گەڕانەوەی پڕۆسەی ئاشتی و گفتوگۆ دەکەین لە نێوان دەوڵەتی تورکیا و گەلی کورد لە باکوری کوردستان. پێمانوایە چارەسەریی کێشەکان بە گفتوگۆ و گەڕانەوەی پڕۆسەی ئاشتی دێتە دی.

ئەو ئەندامەی مەکتەبی پەیوندییەکانی یەكیتی وتیشی: دەستبەسەرداگرتنی  شارەوانییەکان و دەستگیرکردنی خەڵکی کارێکە خزمەت بە پڕۆسەی ئاشتی و پێکەوە ژیان ناکات لە تورکیا، پێچەوانەی بنەماکانی دیموکراسیەکان و ڕای ئازادە.

ژ.ت