دەستەى ٨هەمینى مانگرتووان لە مەخموو بە خولەکێک بێدەنگی بۆ رێزگرتن لە یادی شەهیداى تێکۆشانی ئازادیى کوردستان، چالاکییەکەیان لە دەستەى پێشووتری مانگرتوو وەرگرت.

هەر لەو مەراسیمەدا یادی ٣ ژنە سیاسەتمەدار و شۆڕشگێڕی کورد سێڤی دەمیر ئەندامى ئەنجوومەنی پارتی دیموکراتیکى هەرێمەکان (دەبەپە)، پاکیزە نایر هاوسەرۆکى ئەنجوومەنى گەلی سلۆپی و فاتمە ئویار ئەندامی کۆنگرەى ژنانى ئازاد (کەژەئا - KJA) کرایەوە، کە رۆژی ٤ی کانوونی دووەمی ٢٠١٦ / ١٤ی بەفرانبار لەلایەن چەکدارەکانى تورکیاوە لە کاتى قەدەغەى هاتووچۆدا لە سلۆپی دەستگیر کران و دواتر تیرۆریان کردن.

سدیق کارا بە ناوی دەستەى ٧هەمی مانگرتووەکانەوە وتەیەکەى پێشکەشکرد و رایگەیاند "دوژمن لە هەموو شوێن و روویەکەوە هێرش دەکاتە سەر بزووتنەوەکەمان. دەیانەوێت پەیوەندیى نێوان گەل و رێبەرایەتى بپچڕێنن، بەڵام پلانى دوژمن سەر ناکەوێت".

دواى ئەنجامدانى مەراسیمەکە، دەستەى ٨هەم چالاکییەکەیان لە دەستەى ٧هەم وەرگرت و دەستیان بەچالاکیى مانگرتن لە خواردن کرد.

ر.م