یەکینەکانی تۆڵەسەندنەوەی شەهید ساکینە جانسز و شەهید باران دێرسیم لە دژی پۆلیسی تایبەتی سوپای تورک چالاکیان ئەنجامدا.

لە ڕاگەیەندراوێکدا، یەکینەکە شەهید سێڤێ دەمیر، پاکیزە ناییر و فاتمە ئویار-یان بەبیرهێنایەوە کە لەلایەن دەوڵەتی داگیرکەری تورکەوە کۆمەڵکوژکران.

لە درێژەی ڕاگەیەندراوەکەدا ئاماژە بۆ ئەوەشکراوە"هەڤاڵان سێڤێ، پاکیزە و فاتمە بە پێشەنگی مێژوویی ژن و نوێنەری ڕۆژی ئێمەن و ئەو ٣ هاوڕێیەمان تا کۆتایی لەسەر بنەمای گەشکردنی بەرخۆدان و لەدژی پیلانگێڕی نێودەوڵەتیو بە باوەڕیی سەرکەوتن بۆ ئازادی شەهید بوون".

 ٣ پۆلیس برینداربوون

یەکینەکانی تۆڵەسەندنەوە ئەو چالاکیەیان بۆ بەبیرهێنانەوەی ئەو ٣ ژنە شەهیدە ئەنجامدا و ڕاشیانگەیاندووە: لەدژی پۆلیسی تایبەت کە لە خوێندنگەی کازیم کارابەکر لەسەر شەقامی گۆچمەنلەر باگلەری لە شاری ئامەد، چالاکی پێکهات، لە ئەنجامدا ٣ پۆلیس برینداربوون، پاشان پۆلیس بەبێ ناوبەر دەوروبەریان گولـلەباران کرد.

دوای چالاکیەکەش، چەندین ئەمبوڵانس گەیشتنە شوێنەکەو هەرێمەکە گەمارۆ درا، یەکینەکانی ئێمەش بە سەلامەتی لە ناوچەکە کشانەوە.

ب.ش