سوپاو تورکی بە پەشتیوانی ناتۆی و پەدەکەی بەردەواما جە هجوومە کۆمکوژییەکاش پەی سەرو پانیشتی و هەرێمەکاو پارێزنای مەدیای. ئی هجوومۍ ٣ ساڵۍ و ٤ مانگېشا ۋییەرنان. گەریلاکاو هەپەگەی و یەژا ستاریچ چی پرۆسەنە جە ئاستێوە بەرزەنە مڎرامانی تاریخی بەرانۍ ڕاوە.

دەوڵەتو ئەرەگیروو تورکی، بە هجوومەکاش پەی سەرو پانیشتوو کورڎەسانی و هەرێمەکاو پارېزنای مەدیای، گەرەکشا گەریلاکا دلێنە بەرۆ، جە مەنتیقە ئەرەگیر کریایەکانە هەرێمێوە ئەمنی پەی ۋێش وەش بکەرۆ و دماتەر بەرەو موسڵ-کەرکوک مل بنیۆ،  پەی زیڼە کەردەیۆ سنوورەکاو میساقی میللی کە ساڵانێوەن بەرنامەش پەی متێنێرە، پەی ئانەیچ فشاری زیاتەر وزۆ سەرو بەغڎای. پەی ئینەیچ هجوومە قورس و وەحشیانەکاش جە تاریخەنە ئەنجام مڎۆ. حەرپاسە دژوو ئینەیچ گەریلا مڎرامانۍ تاریخی بەرۆ ڕاوە. ئی مڎرامانە ٤ ساڵېن بەردەواما و بەتایبەت ٣ ساڵېن بە تیمە تاکتیکیەکاو گەریلای جە هەرێمەکەنە و مەڕەکا مڎرامانینە بەردەواما. سوپاو ناتۆیش مردنان و دژوو مەترسیڎارتەرین گازە کیمېیاوییە ژەعراویەکا تاریخی مدرامان مکەرۆ، تەقەمەنی قەڎەغەکریا، بۆردومانی تەکنیکی جە ئاسمان و زەمینۆ جە دژوو گەریلاکا بەکار بەرۆنە. حەرپاسە گەریلا جە دژوو ئی هجوومە کۆمکوژییا مڎرامانێوە گۊرە بەرۆنە ڕاوە و بە چالاکییەکاش جوابوو هجوومەکا مڎۊوە.

نموونە مېڎانوو مڎرامانوو ئێف ئێمی

ماوەو ٣ ساڵا و ٤ مانگان بە گازی کیمېیاویی ژەعراوی، بۆمبی ئەتۆمی تاکتیکی، تانک و تۆپخانە، فڕۆکەی بێفڕۆکەوانی جەنگی و فڕۆکەی جەنگی جە کەشوو گەشمەرڎە مونزوورینە جە مېڎانوو مڎرامانوو کەشوو ئێف ئێمی کە گنۆ هەرێموو گەشمەرڎە دەلیلی جە ۋەرنیشتوو زاپی بە بەردەوامی جەنگېوە قورس ئینا ئارانە. حەرپاسە گەریلا بە تیمە مەیدانییەکاش جە جەنگوو مەڕەکانە جەمێوە مڎرامانێش بەردێنۍ ڕاوە. جە مەڕەکا جەنگینە، جوانۍ و ژەنۍ کورڎەسانی جەنگوو ئیراڎەی مکەرا. گەریلا کە بە ڕۆحی فیدایی ئاپۆییوە ۋێش بەڕێکوستەی و ئاماڎە کەرڎەن، بە زانست و ئەزموونی ئایدیۆلۆژی ۋێش جە هونەروو جەنگینە قووڵ بیەنۆ و پەرەش پنەدان و پا جۊرە مڎرامان مکەرۆ و ژیۋایۍ تازە خولقنۆ.

سوپاو تورکی جە ما بەینوو ٣٠ی ئایاری تا ٧و حوزەیرانی، شەو و ڕۆ بە گازی کیمېیاویی ژەعراوی بۆردومان و هجوومش دەس پنەکەرڎەن، جە زەمین و ئاسمانۆ تەقەمەنی قەڎەغەکریا بەکار بەرۆ. بە گرڎیی جە ماوەو ٩ ڕوانە ٧١ جارۍ، گازی کیمېیاویی قەڎەغەکریا و تەقەمەنیش بەکار بەردەن. ناوەنڎوو ئەرەیاۋنای و چاپەمەنی هەپەگەی ڕوانە پی جۊرە زانیارییەکا پەی ڕای گرڎیی وەڵا مکەرۊوە:

* ٣٠ و ٣١و ئایاری و ١و حوزەیرانی مەڕەکېما ٢١ جارۍ بە گازی کیمېیاویی ژەعراوی جە مېڎانوو مڎرامانوو کەشوو ئێف ئێمینە جە هەرێموو گەشمەڕدە دەلیلی جە ۋەرنیشتوو زاپی بۆردومان کریێنۍ.

* جە ٢ و ٣ۍ حوزەیرانینە مەڕەکېما ٢٧ جارۍ بە گازی کیمېیاویی ژەعراوی جە مېڎانوو مڎرامانوو کەشوو ئێف ئێمینە جە هەرێموو گەشمەڕدە دەلیلی جە ۋەرنیشتوو زاپی بۆردومان کریێنۍ.

* ٤ و ٥و حوزەیرانی مەڕەکېما ١٣ جارۍ بە گازی کیمېیاویی ژەعراوی جە مېڎانوو مڎرامانوو کەشوو ئێف ئێمینە جە هەرێموو گەشمەڕدە دەلیلی جە ۋەرنیشتوو زاپی بۆردومان کریێنۍ.

* ٦و حوزەیرانی مەڕەکێما ٧  جارۍ بە گازی کیمېیاویی ژەعراوی جە مېڎانوو مڎرامانوو کەشوو ئێف ئێمینە جە هەرێموو گەشمەڕدە دەلیلی جە ۋەرنیشتوو زاپی بۆردومان کریێنۍ.

* ٧و حوزەیرانینە مەڕەکێما ٣ جارۍ بە گازی کیمېیاویی ژەعراوی جە مېڎانوو مڎرامانوو کەشوو ئێف ئێمینە جە هەرێموو گەشمەڕدە دەلیلی جە ۋەرنیشتوو زاپی بۆردومان کریێنۍ.