جە ڕاپیماکەو دێرەزوری و تەبقەینە داواو ئازاڎیی جەستەی پەی ڕابەروو گەلوو کوردی عەبدوڵا ئۆجالانی کریا و هجوومە ئەرەگیریەکۍ دەوڵەتو ئەرەگیروو تورکی شەرمەزارکریۍ.

دێرەزور

جە چوارچێوەو هەڵمەتەو ئازاڎینە، ڕاپیماکەو دێرەزوری بە دروشمەو "ئازاڎیی پەی عەبدوڵا ئۆجالانی و چارەسەری پەی پەرسوو کوردی" بە سەڎان کەسۍ جە ئەرەنیشتا شارەکەی ۋەر دەموو ئەنجومەنوو هەرێموو خەربی مەنتیقەو کەسراینە جە ۋەرنیشتوو دێرەزوری گلېرێبیێوە بە ڕاپیمای تا فولکەو دەلێ بەردەوامۍ بیۍ.

جە ڕاپیماکەینە بەنامۍ ژڵێوەو جوانا شۆڕشگێڵنی سوریای و یۊبیەی جوانە ژەناوە، رەودا ئەل حسێنە ئەرەیاۋنێوەش ۋەناوە و چنەشەنە گۆشەگیری سەرو ڕابەروو گەلوو کوردی عەبدوڵا ئۆجالانی شەرمەزارکریا، ئاماژە پانەی کریا کۊشیای گەلا ئازاڎیی خاوەنداری جە فکرەکاو ڕابەروو گەلوو کوردی مکەرا و سەرو ڕاو گەشمەرڎا ڕزگاری بەردەوامۍ با.

تەبقە

هەر جە چوارچێوەو هەڵمەتەو ئازاڎینە بە سەرمەشقایەتی یۊبیەو جوانە ژەنا کانتۆنوو تەبقەی، بە بەشداری ئەرەنیشتا هەرێمەکەی و نوێنەرا پارت و لایەنە سیاسیەکا ڕاپیمایۍ ئەنجامدریا.

ڕاپیماکەی جە ڕاو دەروازەو ئامای دلۍ شارەکەیۆ تا دەروازەو ۋەرکەوتوو شارەکەی بەردەوام بۍ. دماتەر ڕاپیماکەی فاڕیا پەی گلېرۊبیەی و سیستەموو گۆشەگیری شەرمەزارکریا.

جە ڕاپیماکەینە ئەندامەو یۊبیەی جوانە ژەنا، گولزار حەنانە قسێش کەردۍ و ئاماژەش پانەی کەرد جە چوارچێوەو هەڵمەتەو ئازاڎینە جە گرڎ شۊنۍ جیهانینە ڕاپیمای مکریۆ و سیستەموو گۆشەگیری شەرمەزار مکریۆ.

هەر جە قسەکاشنە حەنانە ئاماژەش پانەی کەرد دەوڵەتو تورکی نمەتاوۆ ئیرادەشا بماڕۆ و واتش: "پلانەکۍ ئەرەگیری کاریگەری سەرو یۊگێرتەی ئێمە نمەکەرۆ ۋەرا ۋەر بە دووژمنی."

هەردووە ڕاپیماکەی بەدروشمەو "بێ سەرۆکی ژیۋای نمەبۆ"و "بژیۋۆ سەرۆک ئاپۆ" دمایش ئاما.