چا نامەنە کە ٦١ کەسایەتییا کیانان پەی سی پی تی، سیناتۆر، پەرلەمانتار، ئەکادیمی، پارێزنەر، سەندیکاوان، نویسەر، ڕۆنامەوان و سەرۆکوو پارتی سیاسییەکاش چەنەنێ.  

سکرتێری نەتەوەیی پارتی کۆمەنیستوو فەڕەنسای، سکرتێری یوەموو پارتی سۆسیالیستی، چندین پەرلەمانتارێ و سیناتۆرێ چەپگەرێ و ژیوگەپارێزنێ ئیمزاشا سەروو نامەکەیوە کەردەن.  

 نامەکەنە داوا وەنەو سی پی تی کریان، دەمودەس پەی کۆنترۆڵکەردەی ڕەوشی تەندروستی و دیدار چەنی ڕابەروو گەلوو کوردی عەبدوڵا ئۆجالانی شاندێو بکیانۆ ئیمراڵی و هەرمانەو وێش بکەرۆ.  

جۆرێوی ئەشکەنجەیا                          

دەقوو بانگەوازییەکەی پەی سی پی تی بە نامێ 'پلاتفۆرم پەی عەبدوڵا ئۆجالان'ی پێسنەنە:

"پێسەو سیاسەتمەدار، سەندیکاوان، ئەکادیمی گەرەکمانە سەرنجەو شمە پێسەو سی پی تی کێشمێ دەربارەو گۆشەگیریی ئیمراڵی و داواتا وەنە مکەرمێ هەرمانەو وێتا بکەردێ.

عەبدوڵا ئۆجالان کە لاو ملوێنان کورداوە پێسە نوێنەری ڕەوای سیاسیی موینیۆ، ماوەو ٣٦ مانگان دەوڵەتوو تورکی  وستەن چێروو گۆشەگیریی ڕەهایی سەختی. چی گۆشەگیرییەو تورکیاینە، کە گردوو مافەکاو ئینسانیش پاشێلێ کەردێنێ، بەڕێز ئۆجالانش 'گوم کەردەن' و پێسەو نەبیەێوی  چەنیش مجمۆوە جە ڕووەو پنەدای مافەکاشۆ. وەروو ئانەیە ئی گۆشەگیرییە بەروو یاسایەکا و ئینسانیەتیوە، بڕیایرەی بەڕێز ئۆجالانین جە جیهانوو بەری ڕاسیینە بە ماناو گومکەردەی مێ. ئینەیچە فرە  بەڕۆشنی جۆرێوی ئەشکەنجەیا.

عەبدوڵا ئۆجالان کە ئیساتێنە ٧٥ ساڵێن، ماوەو ٢٥ ساڵان ئینا چێروو ئەشکەنجەی گۆشەگیریینە و ماوەو یەرێ ساڵان ئینا چێروو گۆشەگیری ڕەهاینە و سەروو رەوشوو تەندروستییش هیچ زانیاریێوە ورنەگیریان. تا ئیساتێچ یاگێ زیندانیکەردەیش  پەشتڕاسە نەکریێنۆ. ڕەوشوو عەبدوڵا ئۆجالانی کاریگەریێوی فرەش سەروو چندەها کورداوە هەن.

وەروو ئینەیە داواتا وەنە مکەرمێ پێسەو سی پی تی هەرمانەو وێتا بکەردێ. پێسەو سی پی تی ماف و هەرمانەتا ئانێنە سەرێ گردوو زیندانەکاو دەوڵەتا بکەردێ، کە پەیماننامەشا ئیمزا کەردەن، تورکیایچ ئینا دلێ ئا پەیمانێنە، ئینەیچە دەرفەتوو ئانەیتا مدۆ شاندوو وێتا بکیاندێ ئیمراڵی. دەوڵەتوو تورکی سەرش ئەرکا ڕاتا پەنە بدۆنە. دەرفەتوو ئانەیتا هەن، کە بلدێ ئا زیندانە، کە بەڕیز ئۆجالانش دلێنە گیریان و بە ئازادانە پەیوەندییش چەنی بگێردێ، پێویسا ڕا بە دیداروو شمە بدریۆ.

شمە پێسەو سی پی تی داواتا وەنە مکەرمێ بە پاو مادەو ٣ێ ئەنجوومەنوو ئەورووپای کە ماچۆ: "حەر ئەندامێوی ئەنجوومەنوو ئەورووپای سەروەریی یاسێ و جە سنووروو هەرمانەکاو وێشەنە کە گرد لاێوە ئیسفادە بکەرا جە مافەکاو ئینسانی و ئازادیی". بەڕێز ئۆجالان هاموەڵاتوو دەوڵەتێوی ئەنداموو ئەنجوومەنوو ئەورووپایا، کە ماوەو ویسوو پەنج ساڵان جە مافە مرۆییە بنەڕەتییەکاش بڕیانرە و بەتایبەت جە ڕووەو بڕیایرەی جە مافوو دیداری چەنی پارێزنەرا و بنەیانەکەیش.

داوا مکەرمێ، دەمودەس شاندێو بکیاندێ ئیمراڵی و دیدار چەنی بەڕیز ئۆجالانی بکەرۆ و بارەو دۆخی تەندروستییشۆ زانیاریی ورگێردێ. پێویسا فشار وەنەو تورکیای بکەردێ، کە دمایی بە ئاستەنگکەردەی دیداروو بەڕێز ئۆجالانی چەنی بنەیانە و پارێزنەرکاش بارۆنە. ئینە هەنگامێوی ژیواینە تا تورکیا پێسەو ئەندامێوی ئەنجوومەنوو ئەوروپای بەتەمامی بیاونۆش یاگێ. ئینە بۆ بایسوو هامکاریی ئانەیە، کە کێشێوی جیدی مافەکاو ئینسانی چارەسەر بۆ و نیگەرانیی ملوێنا کوردا چارەسەر بکەرۆ. هەرپاسە متاوۆ ڕۆحوو جەیۆیاواینەی پەی چارەسەری ئاشتییانەو پەرسەو کوردی تورکیانە زیندە بکەرۆوە.

نامێ ئیمازاکەرەکا:

فابیان ڕۆسیل، سکرتێری یەکەموو نەتەوەیی پارتوو کۆمەنیستوو فەڕەنسای و ئەندام پەرلەمان.

ئۆلیڤیێر فۆرێ، سکرتێری یەکەموو پارتی سۆسیالیستی، ئەنداموو پەرلەمانی.

ئان ستامباخ-ترێنۆیر، هامسەرۆکوو گرووپوو GUE جە ئەنجوومەنوو پەرلەمانوو ئەورووپای.

ئێریک کوێرێل، ئەنداموو پەرلەمانوو LFI-NUPES ، سەرۆکوو لوجنەو دارایی ئەنجوومەنی نەتەوەیی.

فرێدریک ماتیۆ، نوێنەروو LFI-NUPES Ille-et-Vilaine، هامسەرۆکوو گرووپوو هەرمانێ کوردیێ ئەنجوومەنی نیشتمانی.

فرانسیس وورتز، ئەندامی فەخریی پەرلەمانوو ئەورووپای.

پاسکال ساڤۆڵدێلی، سیناتۆ.

ئان سۆیریس، سیناتۆروو پاریسی.

ڕاکیل گاریدۆ، ئەنداموو پەرلەمانی LFI-NUPES

ئانا پیک، ئەنداموو پەرلەمانوو پارتی سۆسیالیستی

ئەندی کێربرات، ئەنداموو پەرلەمانی LFI-NUPES

هادرین کلۆت، ئەنداموو پەرلەمانی LFI-NUPES

دانیال سالمۆن، سیناتۆر ئیل و ویلن

مۆنیک دی مارکۆ، سیناتۆروو جیرۆند

گای بێنارۆش، سیناتۆروو Bouches-du-Rhône

دانیال سیمۆنت، ئەنداموو پەرلەمانی LFI-NUPES

دیلان بوتیفلات، سکرتێری میاننەتەوەی PS

ئیمانوێل فێرناندێز، ئەنداموو پەرلەمانی LFI-NUPES

جیرۆم گلیزی، EELV

گریگۆری بلان، سیناتۆروو ویلایەتوو مەین و لۆیر

ڕیمۆند پۆنسێت مۆنگ، سیناتۆر

ڕافایل پریمێت، هامسەرۆکوو گرووپوو کۆمۆنیستی و هاموەڵاتوو - شارەوانیی پاریسی

جۆیل دوتۆ، ئەنداموو ئەنجوومەنی گردینی فەخری PCF

دۆمینیک سۆپۆ، سەرۆکوو SOS Racisme

فرانسوا ساتری، هامسەرۆکوو MRAP

پاسکال تۆرێ، مامۆساو زانکۆی، سەرۆکی هامبەشوو فەڕەنسای و کوردستانی

ئارا تورانیان هامسەرۆکوو ئەنجوومەنی نیشتمانی پەی هەماهەنگیی ڕێکوزیا ئەرمەنییەکا فەڕەنسانە.

شاهین پۆلات، هامسەرۆکوو ئەنجوومەنی دیموکراتیکوو کوردی فەڕەنسانە (CDK-F)

بریڤان فێرات قسەکەروو ئەنجوومەنی دیموکراتیکوو کوردی فەڕەنسانە (CDK-F)

خالد عیسا، ئانەس

جاک تاراف، سی جی تی

میسان دۆ تامیل ئیلام (سەنتەروو پارێزنای مافەکاو گەلوو تامیلی)

کارۆل مان، کۆمەڵشناس و سەرۆکوو کۆمپانیاو فێمئایدی

ڕێنی لی میگنۆ، سەرۆکی فەخری MRAP

فرانسوا دۆڤیدجیان، پارێزنەر

ژان کریستۆف مارتن، پارێزنەر

دەیڤید عابید، پارێزنەر

کریس دێن هاند، ڕۆنامەنویسوو ئۆریێنتXXI

مریەم مەجیدییە، نویسەرە

ڕەزا موسەوی، ڕۆنامەنویس

پیێر باربانسی، پەیامکیان و ڕۆنامەنووسێوی ئشناسیا

مارگۆت باریۆس، نویسەر

نیڵز ئەندەرسۆن، ئەرەیاونەر

ژان دێلفۆر، نویسەر

مارسێل دۆرۆ، نویسەر

مارک والفرۆم، ڕۆنامەنویس

جۆزێف ئەندراس، نویسەر

مایلان سالۆن، بەرئاوەروو فیلمی

فیلیپ پێتی، ڕۆنامەنویس

جولیان کۆنگ، ڕۆنامەنویس

جیرارد مۆردیلات، نویسەر

چۆرە مەکەرمی، ئەنترۆپۆلۆژیست

ماری لیر، ئینسانشناس

لیا ڤێریێر، کۆمەڵشناس

ژان لویس گاوڤین، کۆمەڵشناس

جینێڤیڤ گاریگۆس، ئەنداموو ئەنجومەنوو شاروو پاریسی

ڕاچیدا برۆکنی، ئەکتەر، بەرئاوەر

بێرنارد هێنری، ئینسانشناس

ئیبراهیم سێدۆ ئایدۆغان، مامۆسای باڵا، زوانزان

ماکسیم دیڤانت، کۆمەڵشناس

لویس بارتانت، کۆمەڵشناس