بە پاو هەواڵێوە تۆڕەو مافەکا مرۆڤو کوردەسانی ڕۆو ٥و نۆۋەمبەری هێزێوە سەر بە ئیتلاعاتو ئێرانی بە بێ نیشانە دای  قەرارو دادگای هۆرشکوان سەرو لادەگاو دێوەزناوی سەر بە شارو سەوڵاوای جە پارێزگاو سنەی وەرکەوتوو کوردەسانی.

باس چانەیەکریۆ، جە هۆرکوای سەرو ئا لادەگاینە ٤ هامووڵاتیێ بە نامەکا جەعفەر ئەردەڵانی تەمەن ٤٠ ساڵ، محەمەد کەریمی تەمەن ٣١ ساڵ، حەمید ساڵح نەژاد تەمەن ٢٧ ساڵ و سینا ئەسەد حەکیمی تەمەن ١٥ ساڵ باڵبەسۍ کریێنۍ.

 جە ئەرەیاویاناکەینە ئانەیچ وزیان رووە، دماو باڵبەسکەردەیش ئا چوار کەسە فاریێنێ پەی زینانو ئیتلاعاتی جە سنەنە و چا کاتۆ ڕا مەڎریۆ بنەیانە و پارێزنەراشا بوینا.

باس چانەیە کریان، کە تائیسە جە بارەو دۆخو ئا چوار باڵبەسکریایاوە حیچ زانیاریێ وەردەسەنە نییا.