جەمەو ڕۆنامەنوویسا دیجلەو فوراتی (دەفەگە) ناڕەزاییش نیشانەدا ۋەرا ۋەر بە زینانی کەردەی ٧ ڕۆنامەنوویسا کە بە تۆمەتەو سازکەردەی هەواڵی دەربارەو ڕۆنامەنوویسا نازم داشتانی و جیهان بیلگینێ کە بە فڕۆکەی بێ‌ فڕۆکەوانو دۆڵەتو تورکی ئەرەگیری گەشمەرڏی کریێ، زینانیێ کریێ.

ڕۆنامەنوویسە زینانیکریێکۍ جە ڕاو پارێزنەرەکاشاوە پەیامشادا و واتشا: "کۆشک و سەڵتەنەیشا وڕنمۍ. ڕوێ ئی ونێ مڏرنمێ، ئی زوڵمە دمایش مێ. ئانێ مڏرامان مکەرا مەناوە. ئەرەکۆشای نازمی و جیهانەکا بەردەوام بۆنە. دەفەگە ڕێکوزیێوە ئەرەیاوناین. ڕا نمەڎەیمۍ بە حیچ جۆرۍ تاوانبار بکریۆنە. دەفەگە پەیامو "ڕۆنامەگەریی تاوانە نییەنە" یش وەڵا کەردۆ.

ئەرەیاوناکەو دەفەگەی پی جۆرە بێ: "دماو گەشمەرڏەبییەو ٢ هەڤاڵاما، ڕوانە ئینایمێ سەرو جاڎەکاوە. با پاگیری و مڏرامانەی کە چاڎیشاما هۆرگێرت، واتما 'جە نوویستەو حەقەتینەکا بەردەوامێنمێ'. سەرەتا جە ئامەد، دماتەر جە وان و دماتەریچ جە ئەستەنبوڵ هرووژمشا کەرد سەرو چالاکییەکەیما. ٣٠ ڕۆنامەوانێ باڵبەسێکریێ. ئارۆ ٧ کەسێشا زینانیێ کریۍ. نەک هەر ئینە، ئەوەکۆڵیای جە دژو ڕۆنامەوانا، دەزگاکا ئەرەیاونای و نوسینگەو یاساییچ دەسشپنەکەرد. پێسە هیزی واتما ئارۆیچ جارێوە تەر ماچمێشۆ، سەرە نمەنامنمێرە و گرد یاگێنە پیشەو ڕۆنامەگەری پارێزنمێ"