چا گرتە ڤیدیۆییانە کە ڕۆژنیوزی وەڵۍ کەردێنۍ، بەرگنۆ کە کارەوانێوە سەروازی دەوڵەتو تورکی بە چەکی قورس و زرێپۆشێوە جە نیمە شەوەنە بەرەو مەنتیقەو ئامێدی شاروو دھۆکی ئینۍ ڕاوە.

حەرپاسە ڕۆشن نەبیەنۆ کە هێزە ئەرەگیرەکۍ بەرەو کۆ لوێنۍ. پېسە هەمیشەی دەسەڵاتو هەرێموو کورڎەسانی هیچ ئەرەیاۋنێوەش چا بارۆ وەڵا  نەکەردەنۆ.

بەڵام یەرۍ ڕووۍ چێوەڵی کارەوانێوە سەروازی ئەرەگیری تورکی بەرەو مەنتیقەو کانی ماسی سەر بە قەزاو ئامێدی کە ئینا چێروو دەسەڵاتوو پەدەکەینە لوۍ.

پەدەکە حیچ بە پەنەوازش نمەوینۆ سەبارەت پی جوڵە و ئاماو لووایەو هێزەکا ئەرەگیری تورکی ڕۊشنکەردەیۆ پەی ڕای گرڎینی بڎۆ.