سەرەتاو کۆبیەیۊکەی بە دەیەقېوە ڕېزگېرتەی پەی یاڎوو گەشمەرڎا ئەرەکۊشای ئازاڎیی کوردسانی دەسش پنەکەرد. جە سەرەتاو کارەکا کۆبیەیۊکەینە دیوانوو فیدراسیۆنەکەی هۊرچنیا.

نوێنەراو کۆماو، جیک، تەژەکەئە، پەیەدەی جە گلېرۊبیەکەینە ئاماڎۍ بېنۍ. ڕاوەبەری تازەو فیدراسیۆنەکەی بە ١١ دەنگۍ هۊرچنیۍ، هەریۆ جە محمەڎ جۆپانی و کەریمە بارجنۍ پېسە هامسەرۆکا دیاریکریۍ.

دماتەر سیاسەتمەدار عیسمەت کەم قسۍ سەرەتاو گلېرۊبیەکەیش کەردۍ و پەیوەس بە قۆناغەکا ۋییەردەی سیاسی، دەور و گرنگی ئەنجوومەنوو گەلی دیموکراتیکیش هۊرسەنگنا.

جە چوارچێوەو گلېرۊبیەکەینە باسوو هجوومە ئەرەگیریەکا سەرو کوردسانی، گۆشەگیری سەرو ڕابەروو گەلوو کوردی عەبدوڵا ئۆجالانی و ئا هجوومۍ جە ئەوروپانە وەرا ۋەر بە کوردا ئەنجام مڎریا کریا و پەیاموو بەقوەتکەردەی کۊشیای دریا.

گلېرۊبیەکەی بە واتەیۆ"بژیۋۆ سەرۆک ئاپۆ"، "بێ سەرۆکی ژیۋای مەبۆ" و "ژەنی، ژیۋای، ئازاڎیی" بە کۆتا ئاما.