فیستیڤاڵوو ژەنا زیلانۍ بە سەرمەشقایەتی یۊبیەی ژەناو کوردا ئەوروپای (یەژەکە-ئە) بە درووشمەو "بە ژەنی، ژیۋای، ئازاڎیی بەرەو شۆڕشوو ژەنۍ" دماو وتە و نمایشی فۆلکلۆری و کۆنسێرتوو مۆسیقای دمایش ئاما.

فەرماندۍ یەکینەکاو ژەنا شەنگالی (یەژەشە)ی هێزا شەنگالیە جە فیستیڤاڵەکەنە سڵاموو شەنگالیش یاونا بە ئامادەبیا و سڵامش جە مدرامانوو گەریلای کەرد، واتش: "ساڵەو ٢٠١٤ خەتەو خیانەتی گلېرگەو ئێزدیش بێ خاوەن و پارېزنای جیائاست، گەریلاکاو هەپەگەی و یەژاستاری جە کەشەکا کورڎەسانیوە پەی هامکاری و پارېزنای گلېرگەو ئێزدی ئامۍ. جە ئاکاموو مدرامان و کۊشیای هێزەکاو پارېزنای شەنگالی ئەرەمەرزیۍ. یەکینەکاو مدرامانوو شەنگالی (یەبەشە) و یەکینەکاو ژەنا شەنگالی (یەژەشە)ی ئارۆ گەلوو شەنگالی و کەشەکا شەنگالی پارېزنا. گلېرگەو ئێزدی ئارۆ جە خەتەو مدرامانوو زیلانېنە ۋېش پارېزنۆ و ژیۋای ۋېش بنیاڎ منیۆ".

دماتەر ئیکۆلۆژیستی ئەمریکای پانیشتی لۆلیتا ڕێخشنان نمایشێوەش پێشکەشکەرد کە هێماو ژیۋای کەردەین چنی سرووشتی.

فیستیڤاڵەکە بە کۆنسێرتوو گرووپوو مۆسیقا و هۊرپڕای بەردەوام بۍ، ژەنی بە جۆشۆ هۊرپڕایشا کەرد، فیستیڤاڵەکە بە درووشمەو "ژەنی، ژیۋای، ئازاڎیی" و "بژیۋۆ سەرۆک ئاپۆ"ی دمایش ئاما.