پەی سڵام کەرڎەی جە ١٢ەمین ساڵوەگەڕوو چالاکی ئێشکگیری ئازاڎی کە پەی ئازاڎی ڕابەرو گەلو کورڎی عەبدوڵا ئۆجالانی ماوەو ١٢ ساڵان شارو ستراسبۊرگینە ئەنجام مڎریۆ، پا مەرامەی ڕېکوزیا مېیاننەتەوەییەکۍ هەنگامە بنیا، جە شارو ساربرۆکینی ئەڵمانیاینە گلېرۆبېیەیۍ کریا.

چالاکیەکە بە دەیەقێوە مردای پەی یاڎکەردەیۆ گەشمەرڎا ئازاڎیی کورڎەسانی دەسشپنەکەرد و دماتەر قسەکەردەی سەرو مەراموو گلېرۆبیەکەی کریا و وچیا: "چالاکیەکە ماوە درێژ و بە قەراری جیهانی ١٢ ساڵێش جە ئەنجامدای چالاکی ۋییەرنا. کورڎەسانیا و دۊسەکێشا شارو ستراسبۆرگینە کە کۆمیتەو ڕاگێرتەی جە ئەشکەنجەو ئەوروپایش ئینا چنە، ماوەی ١٢ ساڵان پەی ئازاڎیی جەستەیی ڕابەرو گەلوو کوردی عەبدوڵا ئۆجالانی چالاکی مکەرا. ڕابەر ئاپۆ هێڵەی سورەمانە. تا ئیساتۍ ڕابەر ئاپۆ ژیۋایش پێشکەشکەردێنمۍ، چێگە بە دماوە ئەرکو ئێمەن ئازاڎیی جەستەی مسۆگەربکەرمۍ و ئەرەکۊشایما بەقوەتتەر بکەرمۍ."

شایەنوو باسیا، جە گلېرۆبیەکەینە گرووپێوە فاشیسیتی تورکی بە قسەکەردەی هرووژمشا کەرد سەرو گلېرۆبیەکەی، پۊکەی پەی مودێوە ئاژێوە ئاڵۆز وەشبێ. چالاکا سەرو گلېرۆبیەکەی  بەردەوامۍ بێنۍ بە دروشمەو "بژیۋۆ سەرۆک ئاپۆ"، "بژیۋۆ مڎرامانوو زیڼانیا" و "دیکتاتۆر ئەردۆغان" دمایشا بە چالاکیەکەی ئارڎ.