کۆمیتەو گەنجا و وەرزشوو وێڕاوەبەری دیموکراتیکوو سەرنیشت و وەرکەوتوو سوریای پەشتگیریی  ئەنجامنامەو کۆنفرانسوو گەنجاو وەرکەوتوو دلێڕاسەی و سەرنیشتوو ئەفریقای واتش.

"ڕوەکاو ٨ و ٩و حوزەیرانینە بە دروشموو "گەنجێ و بنیاتنیای ئایندێوی ئازادی" کۆنفرانسوو گەنجاو وەرکەوتوو دلێراسەی و سەرنیشتوو ئەفریقای کریا. کۆنفرانسەکەنە ٢٣ جمیەرێ و ڕێکوزیێ گەنجا و نوێنەروو ڕێکوستەیەکاو سەرنیشت و وەرکەوتوو سوریای بەشدارێ بێنێ.یۆ جە دەرەنجامەکاو کۆنفرانسەکەی ئەرەمەرزنای کوردیناسیۆنێوی هامبەشی بێ.  

ئەرەیاونایەکەنە ئاماژە پانەیە کریان، کەردەی کۆنفرانسەکەی بە سەرمەشقایەتیی گەنجا دەسوەڵیوزیێوی گرنگ و سەرکەوتە بێ پەی گەنجا.

هەرپاسە ئەرەیاونیان، کە ئەنجامنامەو کۆنفرانسەکەی دیاێوا پەی گەنجا و کۆمیتەو ڕاوەبەری کە موزۆشانێ بواروو بەیاگەیاونای و گەنجێ کۆشیایشا سەرنیشت و وەرکەوتوو سوریاینە تا مسۆگەرکەردەی ئازادیی جەستەیی ڕابەر عەبدوڵا ئۆجالانی پەرە پنە مدانێ و پڕۆژەو نەتەوەی دیموکراتیکی بە سەرکەوتەی میاونانێ."