ڕۆنامەوانێ نازم داشتان و جیهان بیلگینە کاتو رووماڵکەردەو ڕووەدایەکا سەرنیشتوو وەرکەوتوو سوریاینە بەمەڵامەتو هرووژمێ ئاسمانی دۆڵەتو تورکی ئەرەگیرینە گەشمەرڏێ بیێ. کوردەسانیاو دۆساشا جە ژاکۆمینپلاتزو شارو گرازو نەمساینە تیرۆرکەردەو ڕۆنامەواناشا شەرمەزارکەرد.  چالاکییەکەنە وێنەکۍ نازم داشتانی و جیهان بیلگینێ بەرزکریێوە و سەرەمڕە دروشمەکۍ "بژیۋۆ سەرۆک ئاپۆ"، "بژیۋۆ مڏرامانو وەرنیشتی، کۆبانێ و یەپەگە و یەپەژە"، "ژەنی، ژیوای، ئازادی" و "تێرۆریست ئەردۆغان/ تورکیا"یشا واتۍ.

چالاکیەکەنە بە زوانی ئەڵمانی ئەرەیاونای ونریاوە. ئانەیچ ئەرەیاویا کە دۆڵەتو تورکی بە تیرۆرکەردەی ڕۆنامەوانا هەوڵ مڎۆ حەقیقەتو فراوانکەردەی عوسمانی-تازەی شارۆوە. جە درێژەنە ئانە وزیا ڕووە کە دۆڵەتو تورکی هرووژم مکەرۆ سەرو شۆڕشو وەرنیشتی کە یاگەگیرو سەرمایەداری و نەژادپەرستیا و ئانەیچ وزیاڕووە کە بە وەرفراوان کەردەو ئەرەکۆشای بە رۆحو کۆبانێ سەرۍ گنا.

چالاکییەکە بە واتویۆ دروشمۊو 'بژیۋۆ مڏرامانو وەرنیشتی' دمایش ئاما.